Këngëtarja e njohur shqiptare, Argjentina Ramosaj, është shumë e pëlqyer nga publiku shqiptar për zërin e saj.
Megjithëse nuk është shumë aktive në muzikë, Argjentina shënoi një rikthim këtë sezone vjeshtore, duke publikuar një bashkëpunim me Dafina Zeqirin, të titulluar “Sado (Ik)” në albumin e ri të kësaj të fundit.
Argjentina prej vitesh ka jetuar në Prishtinë me bashkëshortin e saj, Dukagjinin, dhe djalin e tyre të vogël, Noah.
Por familja duket se ka disa javë që kanë shkuar në Holandë, ku edhe po jetojnë për momentin.
Këtë e ka konfirmuar vet këngëtarja Ramosaj përmes përgjigjes që ia ka dhënë një ndjekësi që e ka pyetur në InstaStory nëse “është duke jetuar në Kosovë apo në Holandë përsëri”.
“Për momentin në Holandë, por ne do të zhvendosemi në Londër së shpejti”, ka qenë përgjigja e këngëtares.
Argjentina përndryshe është lindur dhe rritur në Holandë dhe është kthyer në Kosovë pasi ka ndërtuar një karrierë muzikore dhe është martuar.
Mirëpo familja e re që ka krijuar duket se është drejt dëshirës për të ndërruar sërish destinacion. /Telegrafi/
