Arabia Saudite tani do të ‘mirëpresë’ turistët LGBTQ

Ndërsa Arabia Saudite vazhdon përpjekjet e saj për të tërhequr turistë, autoritetet në vend duket se po arrijnë te një seksion i veçantë: udhëtarët LGBTQ.

Faqja e internetit e Autoritetit Saudit të Turizmit (STA) duket se e ka përditësuar seksionin e pyetjeve dhe përgjigjeve për të deklaruar se vizitorët homoseksualë janë të mirëpritur në mbretëri, shkruan CNN, përcjell Telegrafi.

“Të gjithë janë të mirëpritur të vizitojnë Arabinë Saudite dhe vizitorëve nuk u kërkohet të zbulojnë detaje të tilla personale”, thuhet të jetë përgjigja e faqes në internet ndaj pyetjes në faqen e saj FAQ: “A janë të mirëpritur vizitorët LGBT të vizitojnë Arabinë Saudite?”.

Siç vë në pah CNN, nuk dihet saktësisht se kur u përditësua faqja.

Një zëdhënës i STA tha se politika kishte ekzistuar më parë, por një version i arkivuar i faqes në internet më 14 mars 2023 dhe më parë nuk kishte pyetje dhe përgjigje në faqe.

Aktiviteti seksual i të njëjtit seks është një vepër penale në Arabinë Saudite, sipas Human Rights Watch, shkruan më tej CNN.

Sipas Human Dignity Trust, i cili bën fushatë për të drejtat e personave LGBT në mbarë botën, personat trans mund të përballen gjithashtu me ndjekje penale në Arabinë Saudite. /Telegrafi/