LAJMI I FUNDIT:

Apeli rrëzon masën e arrestit shtëpiak, Saimir Tahiri do të hetohet i lirë

Apeli rrëzon masën e arrestit shtëpiak, Saimir Tahiri do të hetohet i lirë

Gjykata e Apelit të Krimeve të Rënda rrëzoi sot vendimin e shkallës së parë dhe vendosi të heqë masën e sigurisë së arrestit shtëpiak ndaj ish-ministrit të Brendshëm Saimir Tahiri.

Prokuroria e Apelit për Krime të Rënda kërkoi masë sigurie arrest me burg për Tahirin, duke mbajtur të njëjtin qëndrim si ajo në shkallën e parë të gjykimit. Por pas një seance që zgjati rreth dy orë, e cila pavarësisht kërkesës së gazetarëve për të qenë të pranishëm dhe interesit të lartë publik rreth saj u bë me dyer të mbyllura, gjykata vendosi të revokonte edhe masën e sigurisë arrest shtëpie të vendosur nga Gjykata e Shkallës së Parë për Krime të Rënda.

Avokati i Tahirit, Maks Haxhia, u tha gazetarëve se vendimi kishte reflektuar provat dhe faktet e sjella, ndërsa sipas tij prokuroria nuk kishte sjellë prova të reja nga ato që janë dhënë që në fillimin e hetimeve.

Ndryshe nga avokati, prokurori i çështjes Besim Hajdarmata i tha BIRN se organi i akuzës nuk pajtohej me vendimin e marrë nga gjykata mesditën e të hënës.

Hajdarmata u shpreh se ishte informuar nga kolegu që e kishte përfaqësuar çështjen në Apel që gjykata kishte “pranuar dyshimin e arsyeshëm”, por kishte rrëzuar masën e sigurisë me pretendimin se “personi në hetim nuk ka të dhëna se mund të dëmtojë provat apo që mund të ikë”.

Prokurori Hajdarmata tha se vendimi binte ndesh me qëndrimet që mbaheshin në raste të ngjashme. Ai tha se arsyetimi i gjykatës se personi ishte ish-deputet dhe ish ministër, nuk kishte rrezikshmëri dhe se nuk mund të dëmtonte provat “ishte i palogjikshëm”, raporton Reporteli.al.

“Nuk e di nga e gjen gjykata këtë arsyetim, që kur njeriu hetohet për të tilla vepra penale nuk do synojë të dëmtojë provat,” tha Hajdarmata. Ai shtoi se gjykata nuk duhet të kishte marrë për bazë statusin e ish-ministrit në arsyetim, pasi ai akuzohet se i ka kryer veprat penale pikërisht për shkak të funksionit që ka pasur.

Avokati Maks Haxhia këmbënguli në fund të seancës se prokuroria nuk kishte sjellë prova të reja dhe se bazuar mbi vendimet e Gjykatës së Strasburgut dhe procedura të ngjashme, vendimi i gjykatës ishte i drejtë. Haxhia e cilësoi këtë vendim një “fitore për konsolidimin e praktikës për masat e sigurisë”. Ai po ashtu tha se letërporositë e prokurorisë nga vendet fqinje nuk e kishin pasuruar dosjen, ndërsa sipas tij një tregtar kostumesh në Itali dhe ai i bizhuterive nuk e kishin njohur Tahirin në foto.

Rreth çështjes ndaj ish-Ministrit të Brendshëm, i çili akuzohet si pjesëtar i një grupi të strukturuar kriminal dhe për shpërdorim detyre, ka pasur disa polemika. Të dielën ambasadori i SHBA-së në Tiranë Donald Lu në një koment për mediat bëri me dije se kishte të dhëna për presion ndaj gjykatësve. “Kemi dëgjuar disa raportime nga burime të pavarura për presione serioze në këtë çështje, përfshirë edhe rryshfete që u janë ofruar gjykatësve,” tha Lu.

I pyetur për komentet e ambasadorit amerikan avokati i Maks Haxhia tha se ato që ambasadori cilësonte si “presione serioze dhe përpjekje për rryshfet” ishin bazuar në opinione që ishin rutinë për çështje të ngjashme. Ndërkohë ai shtoi se e mbështeste kërkesën e ambasadorit që gjykimi të bëhej “mbi prova dhe fakte”.

Ndërkohë menjëherë pas vendimit kreu i Partisë Demokratike Lulzim Basha e cilësoi atë “një goditje direkte për mundësinë e hapjes së negociatave me Bashkimin Europian”. Basha tha se vendimi ishte “triumf i krimit”, ndërsa akuzoi qeverinë se kishte kapur sistemin e drejtësisë.

Masa e sigurisë ndaj Tahirit u mor pasi ai la mandatin e deputetit me kërkesë të Prokurorisë së Krimeve të Rënda. Prokuroria kërkoi masë sigurie “arrest me burg” ndaj ish-Ministrit të Brendshëm të akuzuar për trafik narkotikësh si pjesë e grupit të strukturuar kriminal të vëllezërve Habilaj dhe shpërdorim detyre. Gjykata e Shkallës së Parë vendosi masë sigurie “arrest shtëpie” për ish-ministrin, ndërsa prokuroria paraqiti disa prova të reja rreth kontakteve mes tij dhe vëllezërve Habilaj. Tahiri i ka mohuar akuzat dhe e ka cilësuar prokurorinë keqdashëse.

Në trend Lajme

Më shumë
Një i vrarë dhe një i plagosur me armë zjarri në Prishtinë

Një i vrarë dhe një i plagosur me armë zjarri në Prishtinë

Kronika e Zezë
Aplikimi i Kosovës për anëtarësim në Këshill të Evropës, opinioni i Bakoyannis sot në rend dite

Aplikimi i Kosovës për anëtarësim në Këshill të Evropës, opinioni i Bakoyannis sot në rend dite

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
“Ftojeni Kosovën që të bëhet anëtare e Këshillit të Evropës”, Knaus publikon dy pika të opinionit të Dora Bakoyannis

“Ftojeni Kosovën që të bëhet anëtare e Këshillit të Evropës”, Knaus publikon dy pika të opinionit të Dora Bakoyannis

Lajme
Syla: Kemi bashkëpunim me shtetet e NATO-s për blerjen e armatimit

Syla: Kemi bashkëpunim me shtetet e NATO-s për blerjen e armatimit

Siguri
U raportuan tri gropa në

U raportuan tri gropa në "Ndreqe.com", Komuna e Prishtinës intervenon në rregullimin e tyre

Prishtina
Kalo në kategori