Angjushev: Nuk është lehtë të jesh pjesë e qeverisë, ndryshimet janë nën kompetencë të kryeministrit

Zv.kryeministri i angazhuar për Çështje Ekonomike Koço Angjushev, ka komentuar “fshesën” në kabinetin qeveritare e cila u paralajmërua nga kryeministri Zoran Zaev.

Ai thotë se është i relaksuar sa i përket pastrimeve në kabinetin qeveritar, duke shtuar se ajo punë i takon vetëm kryeministrit, përcjell Telegrafi Maqedoni.

“Mendoj se kjo çështje është në ingerenca të kryeministrit dhe nuk do të doja të komentoja. Është joserioze, që dikush tjetër të jep përgjigje për këtë çështje. Është nder të jesh pjesë e Qeverisë, por gjithashtu është edhe angazhim”.

“Unë mund t’ju them se gjithë ata që marrin funksione shtetërore duhet të jenë të ndërgjegjshëm se një ditë do t’i lëndë, ndërsa është mirë të largohesh pasi nuk është lehtë të jesh pjesë e Qeverisë”, tha Angjushev, i cili sot pati fjalim në konferencën rajonale për “faktoring” si mundësi për financimin e bizneseve të vogla.

Ndryshe, para mbajtjes së rrethit të dytë të zgjedhjeve presidenciale, në një tubim në kuadër të fushatës parazgjedhore, kryeministri Zoran Zaev paralajmëroi se do të ketë largime nga kabineti qeveritar./Telegrafi/