Real Madrid dhe Barcelona do të përballen në finalen e Superkupës së Spanjës në Arabinë Saudite.
Los Blancos duan të fitojnë këtë trofe, pasi do të bëhej e 100-ti në historinë e klubit.
Trajneri i Real Madridit, Carlo Ancelotti e ka vlerësuar si shumë të rëndësishëm këtë trofe dhe ka theksuar se skuadra e tij do ta fitoj atë.
"Të gjithë trofetë janë të rëndësishëm për këtë klub. Përballja e nesërme është shumë e rëndësishme për ne dhe jemi shumë të motivuar për ta fituar trofeun e Superkupës", deklaroi Ancelotti.
Tutje trajneri italian i Realit tha se ky klub nuk ngopet asnjëherë me suksese dhe dëshirojnë gjithmonë të fitojnë trofe.
"Jo, nuk është e vërtetë se jemi ngopur. Lojtarët e mi fitojnë trofe prej vitit 2013. Ata nuk janë ngopur kurrë me triumfe, dhe kurrë nuk do të jenë të ngopur. Ky klub nuk ta lejon ta kesh barkun plot", u shpreh Carlo Ancelotti.
Fituesi i Superkupës së Spanjës do të arkëtojë tetë milionë euro.
Finalja e Superkupës së Spanjës zhvillohet në King Fahd International stadium të dielën me fillim nga ora 20:00 me kohën tonë lokale. /Telegrafi/
