Analisti nga Qendra e Hagës për Studime Strategjike: Putin bëri një gabim vendimtar me ushtrinë

Rebelimi i nisur nga Yevgeny Prigozhin në Rusi e ka dëmtuar ndjeshëm imazhin e Vladimir Putinit si një lider i fortë, duke krijuar përshtypjen se pushteti po i ikë.

Megjithatë, me ndihmën e presidentit bjellorus, Alexandar Lukashenko, Putini ishte në gjendje të shtypte shpejt rebelimin, shkruan Newsweek.

Pas kryengritjes, shumë analistë dhe burime perëndimore treguan se një spastrim brenda radhëve ushtarake ruse ishte i pashmangshëm, transmeton Telegrafi.

Sipas tyre, ky mund të jetë një veprim kyç i gabuar i Putinit. Frederik Mertens, analist strategjik në Qendrën e Hagës për Studime Strategjike, thekson se largimi i oficerëve me përvojë nga struktura e komandës mund të dobësojë aftësinë e Rusisë për t’iu përgjigjur në mënyrë adekuate operacioneve të Ukrainës.

Lexo po ashtu Ish-oligarku rus: E di se ku iku Putini gjatë kryengritjes së Wagnerit

Ministria britanike e Mbrojtjes raportoi të mërkurën se ish-komandanti i forcave ruse në Ukrainë, gjenerali Sergei Surovikin, nuk është shfaqur në publik që nga kryengritja e armatosur e Prigozhin.

Surovikin, i njohur si “Gjenerali Armageddon”, u arrestua pas kryengritjes, sipas disa raporteve të paverifikuara. Ai më parë shprehu mbështetje për qeverinë ruse kundër kryengritjes.

Në një intervistë me kanalin rus Telegram, i cili është i lidhur me shërbimet e sigurisë së Moskës, vajza e Surovikin pohoi se babai i saj nuk ishte lënduar.

Lexo po ashtu Rusët gjetën paruke të shumta në vilën e Prigozhinit

Newsweek raporton se Prigozhin ishte më afërt me Surovikinin sesa me Valery Gerasimov, shefi i Shtabit të Përgjithshëm rus. New York Times, duke cituar zyrtarë amerikanë dhe të inteligjencës perëndimore, raportoi pas kryengritjes se Surovikin kishte njohuri paraprake për rebelimin.

Edhe pse Surovikin është një figurë e diskutueshme në Perëndim, Ministria Britanike e Mbrojtjes në përditësimin e saj të fundit e përshkruan atë si “një nga oficerët e lartë më të respektuar në ushtrinë ruse” dhe thekson se masat kundër tij ka të ngjarë të shkaktojnë “keqkuptime”.

Mertens shton se “pastrimi” i ushtrisë nga “elementët politikisht të paqëndrueshëm” nuk kontribuon në performancën e saj. Jo vetëm që largon oficerët e aftë, “por krijon një frikë tinëzare për të bërë gabime midis atyre që mbeten,” shtoi ai.

Lexo po ashtu Lukashenko: Prigozhin është në Rusi

Problemet me strukturën komanduese, moralin, disiplinën dhe transparencën në ushtrinë ruse kanë ndikuar prej kohësh në operacionet ruse në Ukrainë. Megjithatë, nëse ai vendos të pastrojë ushtrinë, rrethanat në fushëbetejë do të bëhen edhe më të rëndësishme.

“Për sa kohë që beteja është statike, kjo lloj situate mund të tolerohet. Por nëse beteja bëhet e lëvizshme, ajo pengon përgjigjet e shpejta që nevojiten dhe në raste ekstreme mund të çojë në një paralizë de facto të komandës”, tha Mertens. /Telegrafi/