Përballë deputetit të Lëvizjes Vetëvendosje, Albin Kurti, në emisionin Zona e Debatit në Klan Kosova, analistët Nexhmedin Spahiu, Astrit Gashi dhe Dardan Islami, duke komentuar deportimin e sekretarit për Marrëdhënie me Jashtë të Lëvizjes Vetëvendosje, Boiken Abazi, kanë shprehur hapur mospajtimin e tyre me këtë vendim të organeve të rendit.
Spahiu ka thënë se deportimi i Abazit nuk tingëllon aspak mirë, marrë parasysh raportet që Kosova dhe Shqipëria kanë, njofton Klan Kosova.
“Në relacionet e Kosovës me Shqipërinë, kur një qytetar i ndonjërit shtet, në këtë rast i Shqipërisë, deportohet – sado që kjo mund të jetë kërkesë e Edi Ramës, nuk tingëllon mirë”, tha Spahiu.
Nga ana e tij, Gashi e ka cilësuar “banal” dhe “qesharak” largimin nga vendi të anëtarit të Vetëvendosjes.
“Nuk jam pajtuar shumicën e kohës me zotin Abazin, por arsyetimi për deportimin e Abazit sa është banal aq edhe qesharak. Vërehet se Kosova është më liberale për nga prania e shqiptarëve të Shqipërisë në Kosovë qoftë në politikë, qoftë në biznes”, tha Gashi.
Ndërsa Islami ka qenë edhe më i ashpër me këtë veprim, duke e quajtur “kidnapim” dhe veprim krejtësisht të papranueshëm e të panevojshëm.
“Nuk më habit një pushtet me këto veprime. Rasti i Boikenit është kidnapim, me shpall një person non-grata në ditë të sotit është diçka e rrezikshme, kjo bëhet kur ke lidhje me organizata terroriste, por të depërtohet për bindje politike dhe ideologjike është e papranueshme”, tha Islami.
Ndërsa, deputeti i Kuvendit të Kosovës nga radhët e Lëvizjes Vetëvendosje, Albin Kurti ka thënë se Boiken Abazi u arrestua në mënyrë arbitrare dhe pa iu dhënë mundësia për t’u mbrojtur.
Kurti e ka vënë theksin tek arsyetimi i arrestimit të Abazit nga organet e rendit, pasi nuk ka ndonjë padi penale ndaj tij, njofton Klan Kosova.
“Është e keqe se si Boikeni ndalet nga persona civilë pa asnjë urdhërarrest, pa ia dhënë mundësinë ta thërras ambasadën e Shqipërisë, pa ia dhënë mundësinë për t’u mbrojtur”, tha Kurti.
“Ajo çka më ka bërë përshtypje te arsyetimi që nuk është i tillë thuhet se prania e Boiken Abazit përbën rrezik për Republikën e Kosovës. Prania është rezultat i të qenurit jo i të bërit. Nuk ekziston ndonjë padi penale ndaj tij”.
Deputeti Kurti ka thënë se shpejtësia me të cilën u ekzekutua vendimi për arrestim në Abazit ishte “shokuese”, ndërsa për bindjen e tij ka thënë se deportimi ishte me porosi politike.
“Shpejtësia për ta vënë në fuqi këtë vendim është shokuese për ne. Duket që është një deportim i porositur politikisht”, tha ai.
Promo
Reklamo këtuLufta Prigozhin - Putin
Më shumëNga Rubrika
Do të largohen rekuizitat argëtuese në Karposh të Shkupit
Protesta para Bashkisë së Tiranës, protestuesit hedhin moltov, fjalimi kundër martesës homoseksuale “ndez” protestën
Reagimi i DASH-it për aksionin në veri, Murati: Çdo veprim është i bazuar mbi ligjshmërinë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251