Kryetari i Forumit për Marrëdhënie Etnike në Beograd, Dusan Janjiq dhe deputeti i Alternativës në Kuvendin e Kosovës, Ilir Deda, në emisionin “Ura” të Radio Evropa e Lirë kanë komentuar zhvillimet e fundit që kanë të bëjnë me dialogun Kosovë-Serbi dhe idenë për shkëmbimin e territoreve.
Ata kanë folur edhe lidhur me dyshimet e hedhura në opinion se po zhvillohen negociata sekrete midis Prishtinës dhe Beogradit.
“Nuk di asgjë për negociatat sekrete, ndoshta për këtë edhe janë sekrete, por unë shoh se në opinion ka dalë shumëçka nga ajo që është thënë. Kështu e shpjegoj nervozizmin e atyre që në negociata kanë bërë diçka tjetër, e krejt diçka tjetër kanë thënë publikisht. Duket se më së tepërmi janë lodhur rreth asaj se ku do të vendosen kufijtë”, tha Janjiq.
Ndërsa, Ilir Deda, mendon se këto nuk janë negociata sekrete. “Në 12 muajt e fundit, Thaçi dhe Vuçiq u takuan dhe diskutuan për demarkacionin etnik. Këto bisedime nuk janë zhvilluar vetëm në Bruksel në prani të zonjës Mogherini, e cila i mbështet këto, por edhe në vende të tjera perëndimore, përfshirë Shtetet e Bashkuara, ku është biseduar me disa ish-diplomatë”, tha Deda, përcjell Telegrafi.
Janjiq mendon se në qoftë se Thaçi dhe Vuçiqi kanë bërë diçka tjetër dhe jo vetëm verifikimin e hipotezave të tyre, atëherë kanë dalur jashtë formatit të dialogut të Brukselit dhe kanë hyrë në ujëra të tjera.
“Përfshirja e shumë njerëzve është e dukshme. Ata, me sa duket, nuk e mësuan leksionin nga Jugosllavia, ish-Bashkimi Sovjetik dhe Evropa Lindore. Sikur po duan të provokojnë përsëri konflikte etnike në Ballkan”.
Lidhur me qëndrimin e presidentit Thaçi se është kundër ndarjes së Kosovës, por proklamon korrigjimin e kufijve dhe bashkimin e Luginësë së Preshevës me Kosovën, Deda thotë “Thaçi përdor eufemizmin – korrigjimi i kufirit.
“Një ish-diplomat me ndikim evropian e këshilloi atë që të përdor atë term, në vend të fjalës ndarje, sepse fjala korrigjim nuk tingëllon aq e keq sa ndarje. Thaçi është shumë jo serioz. Ai jep pothuajse çdo ditë deklarata kontradiktore dhe të palogjikshme. Ai është i izoluar politikisht, pasi asnjë parti politike në Kosovë, as partia e tij e mëparshme, nuk përkrah ndonjë ndryshim të kufijve”, tha Deda, duke përmendur faktin se opozita në Kosovë së shpejti do të dorëzojë kërkesë në Gjykatën Kushtetuese për të vlerësuar pozicionin e Presidentit, deklaratat e të cilit i quan tërësisht të papërgjegjshme “dhe jo vetëm që shkelin Kushtetutën e Kosovës, por edhe përhapin frikë në mesin e shqiptarëve që jetojnë në veri të lumit Ibër dhe në Luginën e Preshevës, si dhe në mesin e serbëve në veri dhe në jug të Ibrit”.
“Duhet ta ndalim këtë lojë të dy presidentëve, të cilët, në qoftë se do të kenë sukses në qëllimet e tyre, do të shkaktojnë jo vetëm zhvendosjen e familjeve dhe viktima në njerëz në Kosovë dhe në Serbi, por do ta destabilizojnë tërë Ballkanin”.
Derisa Daçiq këmbëngul vazhdimisht në ndarjen e Kosovës, kurse presidenti Vuçiq flet për demarkacionin, sipas Dushan Janjiqit “në zbatimin e idesë së Vuçiqit për ndarjen e popullatës dhe territoreve, secili e ka detyrën e vet”.
“Derisa ministri i Jashtëm Daçiq flet për ndarjen, Aleksandar Vulin – ministër i Mbrojtjes, mbështet ndryshim të kufijve në Ballkan, në mënyrë që, siç thotë ai, të ndal ekspansionizmin ‘shqiptaro-madh’ dhe imperializmin. Megjithatë, kjo strategji e Vuçiqit tashmë ka filluar të dështojnë, sepse kundër saj është unike Kisha, opozita pro-ruse dhe pro-evropiane. Askush nuk dëshiron luftë, askush nuk dëshiron zhvendosje të dhunshme. Megjithatë, unë nuk mendoj se do të ndalojë këtë lojë shpejt. Mendoj se kjo lojë tani po i shërben Vuçiqit që në atmosferën e frikës të organizojë zgjedhje të jashtëzakonshme në nëntor”, tha Janjiq.
Ndërsa, Ilir Deda mendon se nuk është në lojë shkëmbimi i territorit, që Kosova ta marr Luginën e Preshevës në këmbim për veriun e Kosovës?
“Kjo, sigurisht, nuk është në lojë. Ky është edhe një lojë e Thaçit… Thaçi mund të flasë çka të dojë, … por Thaçi nuk mund të vizatojë harta të reja, as të nënshkruajë ndonjë marrëveshje me Serbinë pa miratimin e Kuvendit, që kurrë nuk do t’ia japë”.
Në fund Deda dhe Janjiq thanë se janë të sigurtë që nuk do të ketë këmbim territoresh as korrigjim kufijsh mes Kosovës dhe Serbisë. /Telegrafi/
Promo
Reklamo këtuLufta Prigozhin - Putin
Më shumëLajçak me post të ri nga shtatori
Bajrami i reagon Muratit pasi tha se ka rritje të qarkullimit të biznesve, e fton për përballje
Pse Mali i Zi votoi kundër Kosovës në KiE, flet Dritan Abazoviq
Kurti: Më herët mirëmbajtja e rrugëve ka kushtuar 57 milionë për tri vjet, ne e kemi zbritur në 38 milionë
Aksident tragjik në Kërçovë, humbin jetën tre persona
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia