Në sheshin “Zahir Pajaziti” në Prishtinë janë ekspozuar fotografi të cilat tregojnë raportin e babait me fëmijën e tyre.
Këto fotografi janë duke prezantuar më së miri jetën e përditshme, ku fëmija kërkon vëmendje të barabartë nga të dy prindërit.
Edhe pse në Kosovë, nënat kalojnë më shumë kohë me fëmijët, kjo ekspozitë do të ndihmoj në përfshirjen e baballarëve gjithashtu.
Kështu ka pohuar hulumtuesja e politikave në Institutin D4D, Valëza Zogiani.
“Sot në D4D bashkë me Ambasadën suedeze në Kosovë kemi organizuar ekspozitën e fotografive “Baballarët kosovarë dhe suedezë”. Është pjesë e një projekti më madhor që ka për qëllim nxitjen e debatit publik për përfshirjen e baballarëve në jetën dhe rritjen e fëmijëve. Kështu që edhe këto fotografi që po shfaqen në shesh kanë këtë qëllim”, deklaroi për RTV Dukagjinin, Valëza Zogiani.
Ekspozita “ Baballarët kosovarë dhe suedezë” është organizuar nga Ambasada e Suedisë në Kosovë, së bashku me organizatat vendase , të cilat kanë për qëllim vetëdijesimin e qytetarëve në këtë aspekt.
Ambasadorja e Suedisë në Kosovë, Karin Nernmarck Ahliny ka thënë se qëllimi i ekspozitës është mjaftë i dukshëm, dhe shpreson që këtë ta kuptojë çdo kosovar.
“Ne e kemi organizuar këtë ekspozitë, duke dashur t’i përfshijmë të dy prindërit në rritjen e fëmijës së tyre. Edhe pse është një fillim i vogël, mendojmë që do të ketë ndikim pozitiv tek kosovarët”, deklaroi ambasadorja Karin Nernmarck Ahliny, përcjell Telegrafi.
Këtij mendimi i është bashkëngjitur edhe Njomza Berisha, nga organizata SIT. Ajo ka thënë se kanë organizuar edhe disa aktivitete të tjera, për të njëjtin qëllim.
“Qëllimi i ekspozitës është për të avokuar për ndryshim të lejes prindërore. Me këtë ekspozitë jemi duke u munduar të shpërndajmë energji pozitive dhe të ndikojmë që edhe baballarët të kujdesen për fëmijët dhe normalisht ka me ndikua mirë për çdo kënd që e sheh këtë ekspozitë”, shprehet Njomza Berisha.
Organizatorët thonë se pavarësisht rrethanave në të cilat jetojmë, duhet që secili prind të mendojë për të mirën dhe shëndetin e fëmijës./RTV Dukagjini/Telegrafi/
Promo
Reklamo këtuLufta Prigozhin - Putin
Më shumëSesioni pranveror i Asamblesë Parlamentare të NATO-s, Kosova më 27 maj në agjendë, Hyseni: Presim epilog pozitiv
Ministri shqiptar i Mbrojtjes prezanton makinën e parë të blinduar ushtarake “Made in Albania”
Gazetarja: Turistët nga Kosova "braktisin" Durrësin, shtohen rezervimet nga vendet e BE-së dhe Britania
Parashikimi i motit për fundjavë
Nga Tirana drejt botës: Pse qytetarët e Malit të Zi zgjedhin aeroportin “Nënë Tereza”?
QKMK u bën thirrje qytetarëve t’i shmangen qarkullimit përmes pikave kufitare me Serbinë, të shtunën protestohet në territorin serb
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Arta Nitaj është shtatzënë në pritje të fëmijës së parë
"Ka qenë një ndër momentet më të vështira për ne", babai i Meritonit flet për herë të parë për Ilnisën dhe nominimin e fortë me Eglën
"Nuk do të toleroj dikë që të përdorë emrin tim" - Ter Stegen shpërthen dhe mohon të ketë folur me Laportan për Xavin
Anomali në gravitetin hapësinor - a është në rrezik teoria e Ajnshtajnit?
Qeveria s’heq dorë nga operacionet në veri, opozita i kërkon koordinim me aleatët
Ukrainasit shkatërrojnë sistemin raketor rus që vlen 800 milionë dollarë