Ambasadorja filipinase me muaj të tërë kishte rrahur pastruesen e shtëpisë, shkarkohet pas publikimit të pamjeve nga rezidenca në Brazil

Ambasadorja e Filipineve në Brazil, është shkarkuar kur u zbulua se me muaj të tërë kisha rrahur një nga ndihmëset e saj në rezidencën zyrtare në  Brazil, e sulmet e saj janë filmuar nga kamerat e sigurisë dhe janë publikuar nëpër media.

Ambasadorja Marichu Mauro është ftuar që të kthehet në Manila gjatë fundit të vitit të kaluar, pasi në televizionin GloboNews ishin publikuar pamjet e kamerave të sigurisë gjatë periudhës tetë muajshe, që shfaqin ambasadoren duke rrahur ndihmësen që gjithashtu është shtetase e Filipineve, transmeton Telegrafi.

Ambasadorja është shkarkuar nga Ministria e Punëve të Jashtme e Filipine, ka bërë të ditur presidenti i këtij vendi Rodrigo Duterte.

“Ekzistojnë rregulla që duhen respektuar. Nëse nuk i respektoni, bartni pasojat dhe rreziqet. Nëse gjërat shkojnë keq, unë nuk do t’iu shpëtojë”, ka thënë i pari i shtetit.

Mauro do të humb të drejtën e pensionit dhe më nuk do të punojë si shërbyese civile. E pamjet e kamerave të sigurisë kanë filmuar nga marsi deri në tetor të vitit të kaluar, dhe janë përdorur për të ngritur padi kundër qeverisë dhe diplomates së saj që ishte emëruar ambasadore në Brazil në vitin 2018. /Telegrafi/