LAJMI I FUNDIT:

Sanksionimi i Nexhat Krasniqit, Hovenier: Rikonfirmim i seriozitetit me të cilin SHBA-ja i trajton çështjet e korrupsionit

Sanksionimi i Nexhat Krasniqit, Hovenier: Rikonfirmim i seriozitetit me të cilin SHBA-ja i trajton çështjet e korrupsionit

Ambasadori i Shteteve të Bashkuara të Amerikës në Kosovë, Jeffrey Hovenier, ka reaguar pasi Departamenti amerikan i Shtetit ia ka ndaluar hyrjen në SHBA Nexhat Krasniqit, zyrtar i prokurimit në Ministrinë e Mjedisit, Planifikimit Hapësinor dhe Infrastrukturës.

Hovenier ka thënë se ky njoftim rikonfirmon seriozitetin me të cilin Shtetet e Bashkuara i trajtojnë çështjet e korrupsionit.

SHBA i vendos sanksione Nexhat Krasniqit, ish-drejtorit të Departamentit të Prokurorimit në Ministrinë e Tregtisë
Lexo po ashtu SHBA i vendos sanksione Nexhat Krasniqit, ish-drejtorit të Departamentit të Prokurorimit në Ministrinë e Tregtisë

Ai ka shtuar se SHBA-ja do të vazhdojë të përdorë të gjitha mjetet në dispozicion për të promovuar llogaridhënien dhe për të mbështetur institucionet e Kosovës për sundimin e ligjit.

“Ky njoftim rikonfirmon seriozitetin me të cilin Shtetet e Bashkuara i trajtojnë çështjet e korrupsionit. Ne do të vazhdojmë të përdorim të gjitha mjetet në dispozicion për të promovuar llogaridhënien dhe për të penguar sjelljen kriminale në të ardhmen duke mbështetur institucionet e Kosovës për sundimin e ligjit”, ka shkruar ambasadori amerikan në platformën “X”.

Në njoftimin e bërë nga ambasada e SHBA-së në Prishtinë, thuhet se Krasniqi ka keqpërdorur pozitën e tij publike duke pranuar ryshfet, transmeton Telegrafi.

“Shtetet e Bashkuara po e caktojnë Nexhat Krasniqin, ish-drejtorin e Departamentit të Prokurimit në Ministrinë e Tregtisë dhe Industrisë së Kosovës, si përgjithësisht të papërshtatshëm për hyrje në Shtetet e Bashkuara, për shkak të përfshirjes së tij në korrupsion të madh. Si zyrtar publik përgjegjës për mbikëqyrjen e kontratave të prokurimit, Krasniqi ka keqpërdorur pozitën e tij publike duke pranuar ryshfet në këmbim të dhënies së kontratës që lejonte ndërtimin e një parku industrial në komunën e Drenasit nga kompania operuese Eltoni”, thuhet në njoftim.

Tutje, në njoftim thuhet se SHBA është e angazhuar për luftimin e korrupsionit, i cili dëmton interesin publik.

“Ky vendim riafrimon përkushtimin e SHBA-së për luftimin e korrupsionit që dëmton interesat publike, pengon prosperitetin ekonomik të shteteve dhe zvogëlon aftësitë e qeverive për t’iu përgjigjur në mënyrë efektive nevojave të shtetasve të tyre”. /Telegrafi/

Në trend Lajme

Më shumë
Skulptori i shtatores së Blair-it pas kritikave të mediave britanike: Gjithkush ka dikë që i ngjanë

Skulptori i shtatores së Blair-it pas kritikave të mediave britanike: Gjithkush ka dikë që i ngjanë

Lajme
Shtatorja e Tony Blairit në Ferizaj shkakton polemika në Britani - ai më shumë i ngjan aktorit Donovan se kryeministri britanik

Shtatorja e Tony Blairit në Ferizaj shkakton polemika në Britani - ai më shumë i ngjan aktorit Donovan se kryeministri britanik

Lajme
Dënohen me mbi 28 vite burgim tetë të akuzuarit për hedhjen e granatave të dorës në dy lokale afariste në Prishtinë

Dënohen me mbi 28 vite burgim tetë të akuzuarit për hedhjen e granatave të dorës në dy lokale afariste në Prishtinë

Lajme
Berisha merr zyrtarisht vulën e PD-së, reagon Ambasada e SHBA-së në Tiranë

Berisha merr zyrtarisht vulën e PD-së, reagon Ambasada e SHBA-së në Tiranë

Lajme
Beleri flet nga burgu pasi u zgjodh eurodeputet: Pa dashur Edi Rama ka ndihmuar duke me bërë të njohur gjithëandej

Beleri flet nga burgu pasi u zgjodh eurodeputet: Pa dashur Edi Rama ka ndihmuar duke me bërë të njohur gjithëandej

Lajme
Prizren, babai në gjendje të dehur ther me thikë vajzën e tij 21 vjeçare

Prizren, babai në gjendje të dehur ther me thikë vajzën e tij 21 vjeçare

Kronika e Zezë
Kalo në kategori