Kryetari i Sindikatës së Punëtorëve të Llamkosit, Ragim Hasani, në një intervistë për Telegrafin ka thënë se gjendja e punëtorëve të kësaj kompanie është shumë e keqe. Madje sipas tij, punëtorët, po vdesin pa i marrë pagat dhe pa i shiju benifitet e punës së tyre.
Hasani ka treguar se po bëhen katër vite, kur 487 punëtorët e Llamkosit janë larguar nga vendet e punës, ndërsa gjendja e tyre, dita ditës është duke u vështirësuar.
“Gjendja e punëtorëve është e mjerueshme, rroga nuk janë duke marrë edhe përkundër ankesave që i kemi bërë nëpër të gjitha institucionet – ato nuk kanë hasur në mirëkuptim”, tha ai.
Kryetari i Sindikatës së Punëtoreve të Llamkosit, Ragip Hasani ka bërë të ditur se punëtorët kanë mbetur pa i marrë 23 paga.
“Në privatizimin e parë na kanë mbetur 13 paga borxhe nga AKP-ja, ndërsa në privatizimin e dytë 10 paga borxh. Aktualisht fabrika është me 8 punëtorë të sigurimit fizik, s’ka ujë, s’ka rrymë, gjendja është e keqe. Me qëllim po e lënë me u dëmtu e në fund të shitet për hekurishte. Si sindikatë çdo herë kemi këmbëngulur që fabrika e Llamkosit të kthehet në prodhim dhe mos të shkojë në falimentim. Borxhet ndaj punëtorëve janë nga privatizimi i parë në shumë prej 1.7 milion euro dhe herën e dytë janë borxhet për paga 750 mijë euro”, tha ai.
Madje, sipas tij, punëtorët e Llamkosit po vdesin pa i marrë pagat e tyre. “Prej 487 punëtorëve për katër vite, 102 kanë dalë në pension dhe 62 të tjerë kanë vdekur”, ka thënë kryesindikalisti i Llamkosit, Ragip Hasani.
E kërkesa e punëtorëve të Llamkosit është që fabrika të kthehet në prodhim. “Fabrika ka një hapësirë prej 18 hektarë e 60 ari tokë. Fabrikën e kemi lënë në gjendje shumë të mirë teknologjike për punë, por po flitet se është plaçkitur – por nëse është ende ashtu mund të funksionalizohet brenda dy javëve, ka edhe treg, por edhe të interesuar. Por nuk e di se me çfarë qëllimi po tentohet që fabrika e Llamkosit të shitet për hekur”, tha Hasani.
Ndryshe, Fabrika Llamkos, e cila gjendet në Vushtrri, ishte privatizuar në vitin 2005 nga Agjencia Kosovare e Privatizimit (AKP), më metodën e Spin-off-it special.
Në vitin 2009, Agjencia Kosovare e Privatizimit kishte bërë tërheqjen e aksioneve nga blerësi për shkak të mospërmbushjes së obligimeve kontraktuale.
Përpjekja tjetër ishte realizuar në vitin 2011, kur kjo ndërmarrje ishte blerë nga një kompani angleze “Coresteel” Sh.p.k.
Në atë periudhë, blerësi kishte marrë obligim për të investuar një shumë prej 100 milionë euro brenda pesë vitesh, si dhe punësimin e 1861 punëtorëve. Mirëpo, blerësi, sipas raporteve të monitorimit dhe të auditorëve të jashtëm, nuk përmbushi zotimet dhe AKP-ja, kishte aplikuar ndëshkimet.
Si rrjedhojë, që nga viti 2015, kjo ndërmarrje është në procedurë të falimentimit. /Telegrafi/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Bëhu banor i kryeveprës së Prizrenit - Grand Residence
Kurrë s’e ke pas ma lehtë se me Telegrafi Jobs me gjetë punë!
Policia me apel për qytetarët: Kujdes nga mashtrimi përmes investimeve të dyshuara online
Vlerat ushqyese të qumështit
Qysh bohet kerri i vogël, kerr i ri!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak