Në kompleksin e Fetullah Gulen, klerikut mysliman që jeton në Pensilvani u thirr policia, pasi rojet diktuan një person të armatosur të hynte në kompleks.

“Rojet gjuajtën në shenjë paralajmërimi dhe personi i dyshuar u largua”, tha një zëdhënës.

Nuk ka njoftime për të dëmtuar ose të arrestuar, tha zëdhënësi i Gulenit, Alp Aslandogan për agjencinë “Reuters”.

Rreth kompleksit të rrethuar me mure u panë disa makina të Policisë së Pensilvanisë. Kompleksi ndodhet në Saylorsburg të Maleve Pokono.

Presidenti Recep Tayyip Erdogan dhe qeveria turke akuzojnë Gylenin për orkestrimin e grushti të dështuar të 2016-s, në të cilin ushtarë të paorganizuar morën tanke dhe avionë luftarakë, dhe bombarduan Parlamentin. Më shumë se 240 vetë u vranë gjatë incidenteve të dhunës. Guleni i ka mohuar akuzat. /tch/