Al Trade i ndan Çmimin e Artë boksierit Robin Krasiniqi – fillon aktivitetet për shënimin e mbi dy dekadave profesonalizëm në fushën e ndërtimit

Me qëllim që të përkujtojmë përkushtimin e palëkundur dhe profesionalizmin në projektim e ndërtim, Al Trade, kompania lider e ndërtimit në Kosovë ka filluar aktivitetet e shënimit të 24 vjetorit duke i ndarë Çmimin e Artë, çmim ky tashmë tradicional i kompanisë, boksierit të njohur dhe kampionit aktual, Robin Krasniqi. Çmimi u dorëzua nga Sokol Gashani, presidenti i kompanisë.

Udhëtimi i mrekullueshëm i Al Trade filloi rreth dy dekada e gjysmë më parë, me një vizion për të revolucionarizuar industrinë e ndërtimit dhe për të ofruar zgjidhje superiore për një jetë më të rehatshme për familjet dhe komunitetet në Kosovë. Gjatë viteve, kompania ka evoluar dhe rritur, duke ruajtur vazhdimisht vlerat e saj thelbësore të integritetit, cilësisë dhe inovacionit.

Robin Krasniqi, një sportist shumë i respektuar, këtë vit u nderua nga Al Trade me Çmimin e Artë. Arritjet e tij në fushën e sportit jo vetëm kanë sjellë krenari për kombin shqiptar por kanë lënë gjurmë edhe në arenën ndërkombëtare.

Në fjalën e tij, Robin Krasniqi shprehu falënderimet e tij të përzemërta për Al Trade për dhënien e këtij çmimi prestigjioz.

“Edhe një herë ju falenderoj të gjithëve, e falenderoj edhe kompaninë që më kanë zgjdhur mua për këtë çmim. Me shumë krenari e marr këtë çmim dhe i përgëzoj prej zemrës për këtë sukses”, tha Krasniqi.

Robin Krasniqi gjithashtu njohu rëndësinë e të qenit i lidhur me një kompani që përfshin individë të cilët kanë punuar pa u lodhur me vite të tëra, duke kontribuar në rritjen dhe suksesin e biznesit.

“Është edhe një nder për mua kur kemi kaq njerëz të suksesshëm, të sinqertë që me vite e me vite e kanë ndërtuar këtë punë edhe unë krenohem me njerëz si kjo familje e madhe që punësojnë shumë njerëz, që u kanë jap mundësi shumë njerëzve dhe që e kanë arritur këtë sukses”, shtoi boksieri i njohur.

Presidenti i Al Trade, Sokol Gashani, ka theksuar se Al Trade rrugëtimin e saj e nisi me familje dhe bashkëpunëtor.

“Firma jonë këtë vit i mbush 24 vjet për veprimtarinë që e zhvillon në Kosovë, bashkë me familjen edhe me bashkëpunëtorët tonë e nisëm këtë rrugëtim. Për 24 vjet bashkë me ekipin tonë të mrekullueshëm kemi arritur që t’ju japin zgjidhje dhe një jetë më të rehatshme disa familjeve apo një pjese të popullatës tonë”, tha Gashani.

Ai tutje në fjalën e tij ka vlerësuar edhe Krasniqin për arritjet e tij në ringun e boksit.

“E pikërisht sot e kemi një aktivitet ku sot jemi mbledhur për të falenderu për kontributin e dhënë në fushën e sportit për kombin shqiptar dhe në arenën ndërkombëtare sportistin tonë të madh dhe kjo kompani unanimisht kemi vendosur që të ndajmë çmimin për të nderuarin tonë, bokserin tonë Robin Krasniqin ku e ftoj me shumë respekt qe të marr çmimin nga kompania jonë”, shtoi ai.

Ndërsa Al Trade shikon prapa në rrugëtimin e saj të suksesshëm, kompania mbetet e përkushtuar ndaj parimeve të saj themeluese të profesionalizmit, inovacionit dhe zhvillimit të komunitetit.

Me ekipin dhe udhëheqjen e tyre të jashtëzakonshme, Al Trade do të ketë një të ardhme ku ata vazhdojnë të ndërtojnë vendbanime që do të lënë një trashëgimi të qëndrueshme për brezat që do të vijnë.