Michael J. Fox është angazhuar shumë për të ndihmuar në gjetjen e shërimit për sëmundjen Parkinson, qëkur u diagnostikua me të kur ishte 29-vjeçar (në vitin 1991).

Tash, aktori 55-vjeçar e ka mbështetur një koncert bamirës në New York që ka pasur për qëllimin grumbullimin e fondeve për fondacionin e tij për hulumtimet e kësaj sëmundjeje – “The Michael J. Fox Foundation for Parkinson’s Research”.

Ai dukej shumë në formë gjatë gjithë kohës.

Ai dukej shumë në formë gjatë gjithë kohës.

Për më shumë, ai ka luajtur në kitarë në evenimentin e quajtur “A Funny Thing Happened On The Way To Cure Parkinson’s” që u mbajt në The Waldorf Astoria.

Kanë kaluar 31 vite që nga aktrimi i tij në filmin “Back To The Future”, ndërsa Fox dukej akoma rinor dhe ishte i përqendruar në muzikën që bënte. Gjatë gjithë kohës, aktori ka kënduar dhe e ka argëtuar publikun.

Michael J. Fox në “Back To The Future”.

Michael J. Fox në “Back To The Future”.

Michael J. Fox themeloi fondacionin për të hulumtuar sëmundjen e Parkinsonit në vitin 2000, njofton Telegrafi.

Aktori kanadezo-amerikan u diagnostikua me sëmundjen në vitin 1991, mirëpo e bëri publike diagnozën në vitin 1999, pasi i ishte nënshtruar ndërhyrjes kirurgjike në tru për të kontrolluar dridhjet e tij. /Telegrafi/