Ai po të tradhton dhe këto janë shenjat sipas detektivit privat!

Këta janë hapat që duhet të ndiqni për të zbuluar të vërtetën.

Luke Athens është një detektiv privat i cili njihet dhe si drejtuesi i firmës “Heartbreakers”. Në Daily Mail, ai tregon sesi ta kuptoni nëse partneri ju tradhton.

“Kur vjen puna tek të zbuluarit e tradhtive, intuita është arma më e fuqishme që keni”, u shpreh ai.

Megjithatë, përpos intuitës, janë dhe disa hapa të tjerë të cilët duhet t’i ndiqni për të zbuluar të vërtetën.

Hapi i parë është të kërkoni për ndonjë rezervim të pazakontë bilete. Mënyrë tjetër për të kuptuar nëse po ju gënjen rreth destinacionit të udhëtimeve të tij, është të shikoni matësin e kilometrave në makinë apo dhe nëse kilometrat e bëra i përshtaten distancës.

Luke vazhdon me sugjerimet e tij duke thënë se edhe një kontroll në koshin e plehrave gjithashtu është një burim i mirë. Një faturë e një darke për dy veta, një pako boshe prezervativësh: Të gjitha këto janë shenjë e tradhtisë së tij.

“Njerëzit këto kohë janë shumë të fiksuar pas telefonit të tyre. Kështu që nëse ai e mban atë larg vetes, por edhe larg jush, atëherë është e sigurt që po fsheh diçka. Edhe llogaria bankare apo transaksionet bankare kanë aftësinë për të fshehur të vërteta. Por, më e rëndësishmja nga të gjitha, është ndryshimi i stilit të tij të jetesës.”

Nëse krejt papritur, ai nuk bën më të njëjtat gjëra si më parë, duhet të filloni të dyshoni!”, shprehet Luke Athens. /Telegrafi/