Ai ishte një zjarrvënës që shkatërroi një nga shtatë mrekullitë e botës antike – sot një sindromë mban emrin e tij
Sot për Herostratus-in pakkush e di, pos që ka shkatërruar një ndër shtatë mrekullitë e botës antike që ka shërbyer si inspirim për dhënien e emrit një sindrome e cila është e zakonshme në kohën moderne
Në vitin 356 para erës së re në qytetin antik Efes ka pasur tempuj të shumtë që u janë përkushtuar perëndive për të cilat sot jashtëzakonisht pak dimë.
Megjithatë, midis tyre u dallua një kryevepër e arkitekturës antike, për të cilën Plini Plaku na tregon më hollësisht në Gjeografinë e tij, transmeton Telegrafi.
Fjala është për Tempullin e Artemisit – një ndër shtatë mrekullitë e botës së vjetër – i gjatë 115 dhe i gjerë 55 metra, i dekoruar me gjithsej 127 kolona jonike në maje të të cilave ka qëndruar një çati e madhe me hapje.
Pos me madhësinë, tempulli është veçuar edhe me materiale luksoze nga të cilët është ndërtuar, siç është cedri nga Libani apo mermeri me të cilat janë zbukuruar gdhendjet dhe shtyllat e jashtme. Me kalimin e kohës, shenjtërorja u bë një qendër e rëndësishme për pelegrinët dhe një atraksion turistik që u vizitua me kënaqësi nga të gjithë ata që u morën nga rruga për në Azinë e Vogël – derisa Herostratus vendosi ta shkatërronte atë.
Krimi dhe ndëshkimi në mënyrën e lashtë
Burimet thonë se Herostrati ishte një bari i varfër, i cili, sipas një versioni, vendosi të shkatërronte këtë perlë të arkitekturës helene në mënyrë që emri i tij të kujtohej. Ai hyri në tempull një natë dhe i vuri zjarrin çatisë së drurit, pas së cilës zjarri e përfshiu dhe ai u shemb. Ndërsa ra, çatia mori me vete muret dhe shtyllat, duke e kthyer shenjtëroren në gërmadha.
Për shkak të këtij sakrilegji, Herostrati u ekzekutua dhe përmendja e emrit të tij u ndalua nën kërcënimin e vdekjes. Historianët sot besojnë se në këtë mënyrë autoritetet u përpoqën të censurojnë rolin e tij në katastrofë dhe ta pengojnë atë të bëhet popullor në një farë mënyre. Megjithatë, në kundërshtim me dëshirën e tyre – vepra e Herostratit shpejt u bë e njohur në të gjithë botën antike dhe historiani Theopompus ishte i pari nga shumë që e përshkroi atë në veprën e tij.
Një shembull që nuk duhet ndjekur
Pavarësisht nga popullariteti që gëzonte tempulli në mesin e popullatës, pas shkatërrimit të tij në mesin e shekullit të IV-të, ai priti rreth 150 vjet për t’u rindërtuar përsëri. Kësaj radhe u ndërtua një tempull edhe më i madh se ai i mëparshmi, dhe është interesant fakti se ai arriti t’i rezistojë provës së kohës për një kohë të gjatë – deri në shembjen e tij të urdhëruar nga Kryepeshkopi Chrysostom në shekullin III pas Krishtit.
Fatkeqësisht, këto lloj krimesh nuk kanë mbetur të izoluara në histori, pasi akte të ngjashme të spërkatjes me acid të Mona Lisa-s së Leonardos dhe Night Watch të Rembrandtit janë regjistruar gjithashtu. Por edhe sulmet me çekiç në Pieta të Mikelagelos dhe shkatërrimi i Palmirës nga Shteti Islamik. Shumë ishin të etur për të arritur një lloj të caktuar fame, pavarësisht nga pasojat.
Në psikologji, kjo lloj sjelljeje quhet sindroma Herostratus – një patologji e lidhur me njerëz të pasigurt, të cilët kanë nevojë për njohjen e shoqërisë me çdo kusht. Nëse ndihen të injoruar nga njerëzit më të afërt, këta njerëz kërkojnë një mënyrë për të marrë vëmendjen që besojnë se e meritojnë duke kryer disa veprime revolucionare.
/Telegrafi/
Promo
Reklamo këtuLufta Prigozhin - Putin
Më shumëNga Rubrika
Test psikologjik i Frojdit që ta njihni më mirë veten: Zbuloni brendinë e shpirtit tuaj!
Menaxhoni peshën dhe luftoni infeksionet duke përdorur proteina dhe vitamina
Si t’i digjni 1,000 kalori për një orë pa pasur nevojë të shkoni në palestër
Makina larëse harxhon dy herë më shumë energji elektrike për shkak të një gabimi që bëjmë
Menaxhoni peshën dhe luftoni infeksionet duke përdorur proteina dhe vitamina
Horoskopi vjetor 2024 - një kohë e fillimeve dhe mundësive të reja!
Test psikologjik i Frojdit që ta njihni më mirë veten: Zbuloni brendinë e shpirtit tuaj!
Si t’i digjni 1,000 kalori për një orë pa pasur nevojë të shkoni në palestër
Mënyra se si e bartni çantën tregon një gjë shumë të rëndësishme për ju për të cilën fare nuk jeni të vetëdijshëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi