0Shares

Analisti Arben Ahmeti ka thënë se për shkak të vizave Kosova nuk guxon të bëj bardhën të zezë dhe të zezën të bardhë.

Ahmeti në “Debat Plus” me Ermal Pandurin në RTV Dukagjini ka thënë se refuzimi i BE-së për t’i dhënë vizat Kosovës, nuk duhet ta kthejë situatën në armiqësi.

Analisti ka thënë se deklaratat e deputetëve Kuçi e Tahiri se do të jepnin dorëheqje nëse nuk na jepet liberalizimi i vizave kanë qenë të gabuara, sepse ajo çështje nuk është në kompetencë të tyre.

“Nëse do të kishim një politikë më të përgjegjshme, njerëzit do të duhej të flisnin në kuadër të kompetencave që i kanë dhe mund të u dalin zot”.

Sipas Ahmetit, këtë gabim e ka bërë edhe Qeveri Haradinaj me të ardhur në pushtet.

“Qeveria Haradinaj nga dita e parë na ka premtuar anëtarësim në INTERPOL, ushtri dhe liberalizim të vizave. Unë si qytetar edhe pse e di se BE merr vendimin, mund të trokas në derën e Qeverisë dhe të them “o ti zotëri, a me kë premtuar se fundin e vitit do ta pres në Paris?!”.

Analisti thotë se ne mund t’i lëmë fajin edhe Perandorisë Osmane se ata na sollën Islamin dhe tash po na pengon për vizat.

“Deklaratat e tilla nga Kryeministri se unë e kam mbiemrin Gjokaj, e nuk e kam ndryshe nuk na bën më shumë perëndimor… Nuk e bën evropian kryeministrin, fakti që e ka mbiemrin Gjoka. Nuk e bënë as përfaqësues të vlerave evropiane me atë qasje. Mos efikasiteti qeverisës nuk është vlerë evropiane”, tha ndër të tjera Arben Ahmeti./Telegrafi/

Të Ngjajshme
Shfaq Komentet (0)