Agresioni rus në Ukrainë me pasoja për refugjatët kudo në botë

Organizata e Kombeve të Bashkuara për Refugjatët (UNHCR) paralajmëron për ndikimet negative të luftës për refugjatët kudo në botë.

UNHCR konstaton një keqësim të dukshëm të situatës së refugjatëve në të gjithë botën për shkak të agresionit ushtarak në Ukrainë.

“Konflikti e ka keqësuar edhe më tej situatën e 84 milionë njerëzve në botë të larguar nga vendlindja, kjo pas ngushticave botërore në furnizimet ushqimore dhe shtrenjtimit të ndjeshëm të ushqimeve”, është shprehur Roland Bank nga dega e UNHCR-së për Gjermaninë.

Miliona vetë kanë humbur burimet e të ardhurave si pasojë e pandemisë dhe krizën ekonomike të lidhur me të.

“Frika është se kriza e Ukrainës do të ashpërsojë edhe më shumë këtë vit mungesat e artikujve ushqimorë dhe shtrenjtësinë”, ka thënë ai.

Çmimet e rritura për lëndët e para po ashtu e vënë para sfidash të mëdha furnizimin me ndihma humanitare dhe punën e UNCHR.

“Tani ajo që vlen është të pengojmë mosushqimin sa duhet të fëmijëve dhe strategji të dëmshme si borxhet e thella apo punën e minorenëve, duke siguruar të paktën për refugjatët ushqimin bazë”, tha përfaqësuesi i UNHCR-së. /Deutsche Welle/