Agnelli dhe bordi i drejtorëve të Juventusi dhanë dorëheqje për të shmangur arrestimin

Il Fatto Quotidiano raporton se Andrea Agnelli dhe bordi i drejtorëve të Juventusit dhanë dorëheqjen të hënën për të shmangur arrestimin.

Drejtuesit kanë mbetur mes një pozicioni të vështirë ditët e fundit. Klubit i duhej të miratonte bilancet e tyre dhe me Prokurorinë Publike të Torinos që po vëzhgonte me vëmendje gjërat, ata duhej të bënin një zgjedhje të vështirë.

Bërja e ndryshimeve në bilanc do të dukej si një pranim i fajit, por mosndryshimi i asgjëje mund të ishte shfaqur si një përsëritje e krimit të supozuar. Përballë këtij udhëkryqi, Agnelli dhe bordi vendosën të jepnin dorëheqje.

Pas dorëheqjeve, Prokuroria Publike e Torinos hodhi poshtë ankesën ndaj refuzimit të vendosjes së Agnellit dhe bordit në arrest shtëpie, diçka që e kishin kërkuar disa javë më parë.

Bianconerët janë akuzuar se kanë paguar fshehurazi lojtarët në fazat e hershme të pandemisë COVID-19 dhe hetimet në dokumentet e tyre financiare zbuluan gjithashtu rreth 34 milionë euro borxhe të padeklaruara.

Ndërsa Juventusi është liruar nga falsifikimi i fitimeve kapitale në çështjen sportive, hetimi penal është ende në vazhdim. /Telegrafi/

Juventus: Agnelli&C. rischiavano l'arresto
Leggi Il Fatto Quotidiano 👉 https://t.co/7eOLwr7iO2 pic.twitter.com/M1LDPBt9ig

— Il Fatto Quotidiano (@fattoquotidiano) November 30, 2022