Darnella Frazier, adoleshentja që regjistroi vrasjen e George Floyd në Minneapolis vitin e kaluar, mori një citim special të Çmimit Pulitzer të premten.

Videoja, në të cilën ajo regjistroi oficerin e atëhershëm të policisë, Derek Chauvin, duke ia vendosur Floydit gjurin në qafë, qarkulloi gjerësisht në mediet sociale, duke shkaktuar protesta në SHBA mbi dhunën e shkaktuar.

Sipas medieve të huaja, përcjell Telegrafi, Frazier ishte 17 vjeçe kur regjistroi videon.

Bordi i Çmimit Pulitzer tha se Frazier ishte nderuar “që regjistroi me guxim vrasjen e George Floyd”.

Po të mos ishin pamjet e kësaj vajze, polici që vrau Floydin ndoshta do të ishte ende në punë! Po të mos ishin pamjet e kësaj vajze, polici që vrau Floydin ndoshta do të ishte ende në punë!

Çmimet, të administruara nga Universiteti Kolumbia, njohin raportimin në gazeta, revista dhe në mediet dixhitale.

New York Times mori çmimin për shërbimin publik, i cili zakonisht shihet si çmimi më i lartë i Pulitzerëve. /Telegrafi/