Ademi dhe Shallvarinov vizitë në Gjermani dhe Austri

Ministri i Diasporës Edmond Ademi, bashkërisht me drejtorin e Agjencisë e Emigracioni, Nikolla Shallvarinov, nga sot deri 5 shtator do të jenë në vizitë pune në Republikën Federale të Gjermanisë dhe Republikën e Austrisë.

Siç kumtuan nga kabineti i ministrit Ademi, me ftesë nga Kryetari i Senatit dhe Kryetarit të Komunës së Bremenit, Carsten Sieling, delegacioni më dy dhe tre shtator do të marrë pjesë në hapjen e manifestimit “Java për integrim” kushtuar të gjithë qytetarëve të Bremen që kanë ardhur nga vendet tjera, ndërsa jetojnë dhe punojnë në Bremen, mes të cilëve edhe bashkatdhetarë me prejardhje nga Republika e Maqedonisë, përcjell Telegrafi Maqedoni.

Gjatë kohës së vizitës në Gjermani dhe Austri, delegacioni i Republikës së Maqedonisë e udhëhequr nga Ministri Edmond Ademi, do të takohet edhe me përfaqësues të shoqatave dhe asociacioneve të diasporës me prejardhje nga Republika e Maqedonisë në Berlin, Bremen, Hamburg dhe në Vjenë të Austrisë.

Në njëjtën kohë, Ministri Ademi me delegacionin, krahas takimet me përfaqësues nga diaspora, në Berlin, më 4 shtator, do të ketë takime me grup deputetësh nga Bundestagu-t gjerman./Telegrafi/