Adelina Ismaili reagon ndaj publikut që e paragjykoi vajzën nga Drenasi

E gjithë Kosova është tronditur nga lajmet e fundit lidhur me abuzimin seksual që iu bë një gjashtëmbëdhjetëvjeçareje nga Drenasi.

Lidhur me këtë ngjarje, kanë reaguar fytyra të shumta publike nga politika, arti dhe sporti.

Lexo po ashtu Të famshmit shqiptarë që mbështetën protestën e sotme në Prishtinë

Edhe këngëtarja e njohur, Adelina Ismaili, vendosi që për ndjekësit e saj në InstaStory, të shpreh mendimin e saj hapur lidhur me këtë çështje.

https://www.instagram.com/p/BsD6ZQKhkTq/

Më shumë se sa ngjarja, ajo është tronditur edhe nga komentet negative të shqiptarëve në Facebook, më saktësisht atyre që kanë kryqëzuar vet viktimën e rastit.

“Të dashur miq, Para se të reagoj për rastin e përdhunimit të vajzës nga Drenasi, lexova mendimet e shumë qytetarëve të Kosovës. Jam pa koment”, ka shkruar Adelina fillimisht në InstaStory.

E njëjta më pas ka publikuar komentet e atyre prej të cilëve u befasua, të bëra në rrjetin social Facebook.

Duket se këngëtarja e njohur ka ndjerë keqardhje për faktin se jo të gjithë e mbështetën vajzën viktimë, por disa prej tyre e lanë edhe fajtore për atë që ndodhi. /Telegrafi/