Adele flet hapur për lidhjen e re: Është hera e parë që e dua veten dhe mund t’i dua edhe të tjerët

Adele ka folur hapur për romancën e saj me Rich Paul gjatë koncertit të saj special “One Night Only” të dielën në CBS.

15-herë fituesja e Grammy-t, 33 vjeçare, gjatë një interviste me Oprah Winfrey foli për marrëdhënien e saj me agjentin sportiv, 39 vjeç.

“Ai është thjesht gazmor. Ai është gjithmonë në humor, ai është i qeshur, dhe shumë i zgjuar. E dini, ai është shumë, shumë i zgjuar. Është e pabesueshme ta shikosh atë të bëjë atë që bën”, deklaroi Adele.

Ajo gjithashtu tregoi se kjo marrëdhënie është hera e parë që ajo e do veten dhe ishte e hapur për të dashur dhe për t’u dashur nga dikush tjetër.

“Është vetëm koha. Por do të ishte interesante të shihja se si është reagimi im në përgjithësi ndaj çdo gjëje që më lëndon, tani që ndihem kaq e sigurt në vetvete dhe po flas edhe jashtë romancës”, vijoi të thotë këngëtarja e “Easy on Me”.

Adele gjithashtu foli për ndarjen e saj nga ish-bashkëshorti Simon Konecki, duke zbuluar se ajo kishte pirë alkool shumë gjatë kohës së divorcit, shkruan People.

“Sapo kuptova se kisha shumë punë për të bërë me veten time, ndalova së piri dhe fillova të ushtroja shumë dhe gjëra të tilla për të më mbajtur të përqendruar”, tha ajo.

Ajo gjithashtu vlerësoi Koneckin për ndikimin e tij pozitiv gjatë martesës së tyre, duke thënë:.

“Mendoj se Simon ndoshta më shpëtoi jetën, të jem e sinqertë. Ai erdhi në një moment të tillë, ndërsa stabilitetin që ai dhe Angelo më kanë dhënë mua, askush tjetër nuk do ta bënte kurrë, kanë qenë në gjendje të më japin, veçanërisht në atë periudhë të jetës sime. Isha kaq e re dhe thjesht mendoj se u humba pak në të gjitha këto”, tha këngëtarja.

Kujtojmë që Adele mbajti një koncert special me këngët e reja, ajo performoi në Observatorin Griffith në Los Angeles për një audiencë të mbushur me yje, ku përfshiheshin Drake, Selena Gomez, Leonardo DiCaprio, Kris Jenner, Ellen DeGeneres, Gayle King, James Corden, Lizzo, Gabrielle Unionde, Dëyane, Melissa McCarthy dhe shumë të tjerë.

Adele e zyrtarizoi lidhjen e saj me Paul në Instagram, gjatë shtatori, pas muajsh spekulimesh rreth statusit të tyre.

Në një intervistë me “Vogue” muajin e kaluar, këngëtarja zbuloi se ajo dhe Paul filluan të takoheshin në fillim të vitit 2021 pas takimit në një festë dy vjet më parë.

Albumi “30” i Adele do të publikohet më 19 nëntor. /Telegrafi/