Me një orë e gjysmë udhëtim me veturë nga Rejkjaviku, ndodhet shtëpia e pazakonshme për pushim në formë piramide

Shtëpia ngrohet me përdorimin e ujërave termale – në dysheme janë të vendosur gypat të cilët sigurojnë që temperatura në shtëpi të jetë e këndshme gjatë gjithë vitit, transmeton Telegrafi.

Me rrymë furnizohet nga stacioni i afërm gjeotermal, uji i ngrohtë vjen nga burimi natyror i ujit të ngrohtë, ndërkaq uji i ftohtë është ujë burimi nga pusi.

Shtëpia ka formë simetrike dhe përbëhet nga dy vëllime në formë piramide të cilat i lidh korridori hyrës i përdheses.

Druri i shndritshëm dhe muret e bardha dominojnë enterierin dhe e bëjnë të këndshëm dhe të vëllimshëm.

Në një pjesë të shtëpisë është vendosur hapësira e qëndrimit ditor me plan të hapur me kuzhinën dhe trapezarinë.

Dritaret trekëndëshe sigurojnë dritë të mjaftueshme natyrale dhe ofrojnë pamje interesante të hapësirës.

Pjesa tjetër e shtëpisë paraqet zonën për gjumë, me tri dhoma të vogla gjumi të vendosura në përdhese.

Mirëpo, ajo që të lë pa fjalë është hapësira mbi dhomat. Është e vendosur në majë xhami të piramidës, nga e cila ofrohet pamja mbresëlënëse panoramike e natyrën përreth dhe e dritës polare.

/Telegrafi/