LAJMI I FUNDIT:

800 metra nën tokë, brenda minierës “Trepça” – rrëfimi i minatorit që nxjerr xehen me vlerë

Në grupin prej tre minatorëve që po nxirrnin xehe në horizontin e 11-të të minierës “Trepça” në Stantërg të Mitrovicës është Arben Halili, të cilin e kishin mbuluar djersët dhe pluhuri i zi.

Telegrafi qëndroi për disa orë brenda zgafelles së Trepçës, ku pa nga afër punën e minatorëve në një nga punishtet në horizotin 11-të, rreth 800 metra nën tokë.

Njëri nga minatorët, i cili po nxirrte xehen e çmuar është Arben Halili, nga fshati Cerajë dhe aty punon tash 10 vjet. Ai thotë për Telegrafin se puna nuk është e lehtë.

Halili tregoi se aty ku është duke nxjerrur zehen është punishtja me e rrezikshme si dhe më me vlerë e horizontit 11-të, pasi siç tha ai pretendohet se aty ka argjend.

“Për këtë punishte, flitet se ka argjend”, ka thënë ai.

Minatori po ashtu tha se puna në minierë nuk është e lehtë, dhe se asnjëherë nuk e kishte menduar që të punojë si minator.

“Vallai s’di ku me shku ma vështirë, 800 metra teposhtë, bëje hesap. As që më ka shku në mend, që do ndonjëherë do të punoja minator. Baba ka dal në pension, e mandej hyra unë. Këto mure me minerale i shpojmë. Në fund të ndërrimit i mbushim me municion, mandej i ndezim… Për këtë punishte flitet se ka argjend. Është ndër punishtet më të mira, por është shumë e rrezikshme”, tha ai.

Halili thotë se në një ndërrim në këtë punishte punojnë tre minatorë.

“Tre minatorë punojmë në këtë punishte gjatë një ndërrimi. Kjo xehe ka vlerë të madhe”, tha ai.

Ai tha se xehet i bartin me një makineri, të cilën e quajnë ‘kave’, deri tek vendi i destinuar për të dal në sipërfaqe, me anë të ashensorit.

“Mandej kur vjen ndërrimi i dytë merren me pjesën që kemi detonu ne”, tha minatori.

Halili tregoi se cila do të ishte mosha ideale për minatorin që të pensionohej.

“Me mujt kisha dal në pension si 50 vjeçar. Sa më gjatë këtu aq më e shkurt është jeta. Shiko çfarë pluhuri ka këtu, çfarë kushtesh janë”, tha ai. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Lajçak me post të ri nga shtatori

Lajçak me post të ri nga shtatori

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Dyshohet se ishte duke u përgatitur për ta kryer një vrasje, arrestohet i dyshuari në Pejë

Dyshohet se ishte duke u përgatitur për ta kryer një vrasje, arrestohet i dyshuari në Pejë

Kronika e Zezë
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori