Trembëdhjetë deputetë të Kuvendit të Republikës së Kosovës janë pjesë e garës në zgjedhjet lokale të 22 tetorit.
Lëvizja Vetëvendosje është në vendin e parë me gjashtë deputetë të cilët pretendojnë të bëhen kryetarë të komunave, shkruan “Epoka e re”.
Deputeti i Lëvizjes Vetëvendosje!, Driton Çaushi, është kandidat për kryetar të Komunës së Gjakovës, deputeti Sami Kurteshi është kandidat për kryetar të Komunës së Gjilanit, deputeti Faton Topalli është kandidat për kryetar të Komunës së Ferizajt, deputeti Salih Salihu është kandidat për kryetar të Komunës së Vitisë, deputeti Mytaher Haskuka është kandidat për kryetar të Komunës së Prizrenit si dhe deputeti Qëndron Kastrati është kandidat për kryetar të Komunës së Dardanës.
Në vendin e dytë është Partia Demokratike e Kosovës (PDK), e cila, në garën për kryetarë të komunave, ka tre deputetë, dy prej të cilëve garojnë për kryetar komune, kurse njëri është bartës i listës për asamble komunale.
Deputeti i PDK-së, Agim Aliu, është kandidat për kryetar të Komunës së Ferizajt, ndërsa deputeti Zenun Pajaziti është kandidat për kryetar të Komunës së Gjilanit, kurse deputeti Hajdar Beqa është bartës i listës për asamblenë komunale në Gjakovë.
Partitë e tjera kanë vetëm nga një deputet në garën për zgjedhjet lokale të 22 tetorit.
Nga Lidhja Demokratike e Kosovës (LDK) vetëm deputeti Arban Abrashi është kandidat për kryetar të Komunës së Prishtinës.
Po ashtu, edhe Aleanca për Ardhmërinë e Kosovës (AAK) në këto zgjedhje është e përfaqësuar vetëm nga një deputet.
Deputeti i saj, Gani Dreshaj, është kandidat për kryetar të Komunës së Burimit.
Gjithashtu, edhe Nisma për Kosovën ka një deputet në garën për pushtetin lokal. Deputeti i Nismës, Zafir Berisha, është kandidat për kryetar të Komunës së Prizrenit.
Pjesë e garës lokale është edhe deputetja e Alternativës, Mimoza Kusari-Lila, e cila kandidon për t’u rizgjedhur kryetare e Komunës së Gjakovës.
Përveç partive shqiptare, pjesë e zgjedhjeve lokale të 22 tetorit janë edhe deputetët e partive minoritare.
Deputetja e pavarur nga radhët e komunitetit boshnjak, Emilia Rexhepi, është kandidate për kryetare të Prizrenit. Edhe disa ministra dhe zyrtarë të tjerë qeveritarë i janë nënshtruar garës për zgjedhjet lokale.
Ministri i Shëndetësisë, Uran Ismaili, është edhe kandidat për asamble komunale i Partisë Demokratike të Kosovës në Prishtinë.
Edhe ministri i Kulturës, i Rinisë dhe i Sportit, Kujtim Gashi, është bartës i listës së PDK-së për asamblenë komunale në Prizren.
Po ashtu, edhe ministri i Arsimit, i Shkencës dhe i Teknologjisë, Shyqiri Bytyqi, është kandidat për kryetar të Komunës së Prishtinës nga radhët e Nismës për Kosovën. Gjithashtu, edhe ministri i Tregtisë dhe Industrisë, Bajram Hasani, është kandidat i Nismës për Kosovën për kryetar të Komunës së Gjilanit.
Pjesë e garës zgjedhore të 22 tetorit është edhe zëdhënësi i Qeverisë së Kosovës, Arbër Vllahiu, i cili kandidat për kryetar të Komunës së Prishtinës nga radhët e Aleancës për Ardhmërinë e Kosovës.
Analisti i proceseve zgjedhore dhe politike nga Instituti Demokratik i Kosovës (KDI), Albert Krasniqi, ka thënë për gazetën “Epoka e re” se, në mungesë të resurseve njerëzore, subjektet politike janë detyruar t’i kandidojnë dhjetëra deputetë për kryetarë të komunave.
“Kandidimi i shumë deputetëve të Kuvendit të Kosovës për kryetarë të komunave vjen si rezultat i mungesës së resurseve njerëzore që i kanë subjektet politike. Prandaj subjektet përpiqen që me njerëzit e njëjtë të garojnë në të dy nivelet, edhe për Kuvendin e Kosovës, edhe për kuvendet komunale dhe komunat”, ka deklaruar ai.
Ndonëse ligj nuk e ndalon një gjë të tillë, Krasniqi ka thënë se deputetët nuk do të duhej t’i hynin garës për pushtet lokal. Sipas tij, përfshirja e deputetëve në zgjedhjet lokale po e pengon funksionimin normal të Kuvendit të Kosovës.
Lufta Prigozhin - Putin
Më shumëNë sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Çka tha diplomati slloven Zhbogar në OKB që u irritua Vuçiqi?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre