11 klubet që sundojnë futbollin botëror

Gjigantët e vërtetë të futbollit nuk sundojnë vetëm në vendin e tyre, ata kanë mbështetje të madhe ndërkombëtare, që i bën të njohur në mbarë botën.

Suksesi në fushë, rëndësia historike, kultura, lojtarët apo pak nga gjithçka, ata sundojnë botën e futbollit për vite.

90min ka renditur 11 klubet më të njohura dhe më me ndikim në futboll.

Real Madrid

Për sukses dhe prestigj të pastër, asnjë klub në planet nuk e mund Real Madridin.

Los Blancos kanë fituar më së shumti trofe të Kupës Evropiane dhe Ligës së Kampionëve. Ata e fituan garën në vitet e para pesë herë radhazi dhe janë i vetmi klub në epokën moderne të Ligës së Kampionëve (pas 1992) që e fituan tre herë radhazi.

Reali është i njohur kudo dhe ka një arsye pse kaq shumë lojtarë nga e gjithë bota, qoftë nga Evropa, Afrika, Amerika e Jugut apo Azia, ëndërrojnë të bashkohen me ta.

Manchester United

Tashmë një institucion historik i suksesit, duke marr primatin në vitet 1950, ku Manchester United u ngrit si klubi i madh dhe i famshëm globalisht. Këtë e forcuan falë dominimit të tyre në Ligën Premier.

Suksesi në fushë, i mbështetur nga një filozofi thelbësore për të argëtuar, i bëri Djajtë e Kuq të njohur në të gjithë botën, duke mundësuar edhe shpërthimin ndërkombëtar të Ligës Premier.

Manchester United mbetet një nga markat më të famshme. Pavarësisht mungesës së suksesit në fushë në dekadën e fundit, me të ardhura mbetet po aq i fortë sa ishte edhe në të shkuarën.

Paris Saint-Germain

Paris Saint-Germain është klub i ri i niveleve të larta të futbollit botëror dhe evropian. PSG tani njihet si klub me futboll të bukur dhe stil, duke u kthyer në modë së fundmi.

Gjigantët parisien janë adaptuar në mënyrë të shkëlqyer në identitetin e ri dhe janë bërë sinonim i një prej qyteteve më të famshëm në botë sa i përket futbollit.

Aftësia e tyre për të harxhuar shuma të mëdha në tregun e transferimeve sigurisht që ka ndihmuar të jenë në këtë listë.

Santos

Kur mendoni për futbollin e klubeve në Brazil, të gjithë mendojnë për Santosin. Klubi që i dha botës Pelen dhe Neymarin, dy nga lojtarët më ikonë në historinë e futbollit botëror, si dhe yje të tjerë të panumërt.

Veçanërisht Pele do të mbetet fytyra e Santos si ambasador gjatë gjithë jetës së tij.

Klubi është shtrirë edhe në kulturën popullore. Bob Marley luajti një ndeshje me klubin jo shumë kohë para vdekjes së tij dhe u fotografua i veshur me fanellën e bardhë të famshme. Vazhdon të meritojë një vend në këtë mes.

Chelsea

Chelsea i detyrohet rritjes së tyre të madhe kur në “Stamford Bridge” erdhi Roman Abramovich në mesin e viteve 2000. Por edhe për një dekadë përpara asaj kohe, Blutë po ndërtonin diçka të veçantë dhe ishin ndër klubet e para të Ligës Premier që afruan yje.

Chelsea ka qenë një nga klubet më të mëdha dhe më të njohura në botë për 20 vitet e fundit dhe ka marrë mbështetje të jashtëzakonshme nga çdo kontinent.

Juventus

Juventusi është klubi më i suksesshëm i Italisë dhe ka fituar Serie A 36 herë – në përgjithësi, ndërsa kanë përfunduar në dy vendet e para në kampionat në 57 sezone. Së fundmi janë kurorëzuar kampionë për nëntë vjet radhazi nga 2012 deri në 2020.

Asnjë skuadër tjetër italiane nuk i afrohet këtij rekord, pasi e dyta dhe e treta nuk kanë as 20 tituj.

Juve u rrit shumë kur afroi Cristiano Ronaldo në vitin 2018.

Boca Juniors

Boca Juniors është një shtyllë e futbollit të klubeve në Argjentinë, përgjegjëse për formimin dhe zhvillimin e shumë prej lojtarëve më të mirë në botë. Ngjyrat e tyre kaltër e verdhë janë shumë të njohura, dhe shtëpia e tyre “La Bombonera”, njihet për atmosferën ikonik.

Boca ishte një kapitull i rëndësishëm në udhëtimin e Diego Maradonës, ndërsa pas tije dhe emra si Carlos Tevez dhe Juan Roman Riquelme.

Boca ka më shumë se 70 trofe zyrtarë.

River Plate

Rivali më i madh i Boca Juniors është fqinji i tyre në Buenos Aires, rivalët i përmbetuar i Superclasicos , River Plate, tjetër klub me ndikimin në futbollin argjentinas dhe botëror.

River ka qenë në finalen e Copa Libertadores tre herë në shtatë vitet e fundit dhe e ka fituar dy herë, duke nënvizuar statusin e tyre aktual si skuadra më e mirë e Amerikës së Jugut.

Historikisht, klubi ka prodhuar dy fitues të Topit të Artë, Alfredo Di Stefano dhe Omar Sivori, plus kapitenin e Kupës së Botës që e fitoi Argjentina, Daniel Passarella. Radamel Falcao, Javier Mascherano, Gonzalo Higuain dhe Hernan Crespo janë emra të tjerët që kanë kaluar nga ky klub.

Bayern Munich

Bayern Munich ka siguruar që futbolli gjerman për klube të jetë në hartën e botës për 50 vitet e fundit – skuadra e parë dhe e fundit gjermane që u kurorëzua kampione evropiane.

Bayern është i pamposhtur në Bundesligë, pasi ka siguruar titullin e 10-të radhazi dhe në skuadër kanë njërin ndër yjet më të mëdha të dekadës – Robert Lewandowski.

Shtrirja ndërkombëtare e klubit është rritur shumë në vitet e fundit. Bayern njihet edhe për bujari, pasi i kishte shtrirë dorën për ndihmë edhe klubeve të tjera të futbollit brenda Gjermanisë, madje edhe Borussia Dortmundit, rivalit të tyre më të madh në vitin 2003, kur iu huazoi para.

Barcelona

Barcelona trajtohet pothuajse si fe. Ata njihen me fjalët e tyre, ‘më shumë se një klub’,  ku kanë shtritë ndikimi në futboll në çdo nivel në mbarë botën.

Një stil i lojës i bazuar në posedimi të rrjedhshëm të topit  u bë sinonim i Barcelonës në vitet 1970 dhe është trashëgimia e vetme më e madhe e klubit deri më sot. Çdo grupmoshë mësohet të luajë në këtë mënyrë dhe shihet si kulmi i teknikës së futbollit.

Barcelona ka prodhuar yllin më të madh në histori të futbollit Lionel Messin, i pavarësisht largimit të tij në 2021, mbetet një legjendë.

Liverpool

Liverpool është klub i së shkuarës dhe i së tashmes. The Reds kanë qenë në majë më herët se të gjithë, duke u bërë klubi i parë anglez që la shenjë të qëndrueshme në futbollin ndërkombëtar, duke fituar katër Kupa Evropiane në tetë sezone në vitet 1970 deri 1980.

Tani ata janë kthyer në majë duke fituar sërish.

Liverpooli kurrë nuk e humbi madhështinë e tij edhe kur nuk kishte trofe në vitet 1990 dhe, madje edhe në vitet 2000, por tani Jurgen Klopp ka ndërtuar një identitet i ngjashëm me atë që dha të gjithë suksesin fillestar të klubit dekada më parë. /Telegrafi/