Federata Shqiptare e Futbollit (FSHF) dhe Ministria e Shëndetësisë e Shqipërisë kanë marrë vendim për rinisjen e Superligës së Shqipërisë.

Edhe kampionati shqiptar, sikurse të gjithë tjerët në Evropë u pezullua në mesin e marsit shkaku i pandemisë së coronavirusit.

Pas dy muajve pezullim, tashmë krerët e federatës dhe atë të Ministrisë së Shëndetësisë kanë marrë vendim për rinisjen e sezonit 2019/20.

Klubet e elitës së futbollit shqiptar apel qeverisë: Na ndihmoni, duhet të merret shembull Kosova Klubet e elitës së futbollit shqiptar apel qeverisë: Na ndihmoni, duhet të merret shembull Kosova

Është klubi i madh shqiptar dhe lideri aktual i kampionatit, Tirana, e cila ka zbuluar se sezoni do të rifillojë me datë 3 qershor.

“Pas akordimit mes FSHF dhe Ministrisë së Shëndetësisë për rifillimin e seancave stërvitore individuale në datën 18 Maj, sot është zhvilluar një mbledhje në ambientet e Federatës Shqiptare të Futbollit mes presidentëve të Klubeve të Kategorisë Superiore dhe Federatës ku është vendosur rifillimi i kampionatit në datën 3 qershor”.

“Deri në mbyllje të sezonit futbollistik kanë mbetur edhe 10 ndeshje për t’u luajtur pa harruar dhe Kupën e Shqipërisë”, thuhet në njoftimin e Tiranës. /Telegrafi/