Joshua Kimmich ka nënshkruar kontratë të re me Bayern Munich deri në qershor 2029.
Marrëveshja u kompletua të mërkurën dhe u shpall zyrtarisht sot në rrjetet sociale të Bayern Munich.
Kimmich është te Bayern Munich që nga viti 2015, pasi u transferua nga Stuttgarti për 8.5 milionë euro.
Ai ka luajtur një rol kyç në mesfushë dhe ka fituar shumë trofe me klubin.
Rinovimi i tij përfundon çdo shans për klube si Barcelona apo Real Madrid, të cilët e kishin parë situatën e tij nga afër.
Të dy klubet ishin të interesuara për nënshkrimin e tij nëse ai largohej nga Bayern Munich si lojtar i lirë.
Kjo marrëveshje i jep fund të gjitha bisedave për transferime. Bayern Munich tani ka siguruar një nga lojtarët e tyre më me përvojë për një afat të gjatë. /Telegrafi/
