LAJMI I FUNDIT:

Zymbylat – për ngjyra të hareshme dhe erë dehëse në shtëpi

Zymbylat – për ngjyra të hareshme dhe erë dehëse në shtëpi

Zymbylat aromatikë shënojnë ditët e para të pranverës

Reklama

Konkretisht, aroma e ëmbël dhe dehëse e këtyre grupeve me lule i bën shtëpitë më të gjalla dhe optimiste, duke lënë të kuptohet një pranverë shumëngjyrëshe.

Zymbylat (lat. Hyacinthus orientalis albulus) kryesisht kultivohen në kopsht, por për mbjelljen e kësaj luleje jeni të vonuar, nëse nuk i keni mbjellë në vjeshtë.

Mirëpo, nëse nuk keni kopsht – mos u brengosni, mund t’i mbillni në saksi dhe t’i mbani në banesë.

Ky është një udhëzues i vogël për mbjellje dhe mirëmbajtje të zymbylave, në kopsht dhe në banesë.

Zymbyli kërkon vazo me grykë të vogël sepse i mban lehtë dhe të bashkuar kërcejtë mbi ujë ndërkohë që pjesa e poshtme shijon hapësirën dhe ujin për të cilat ka aq shumë nevojë.

Zhardhokun e zymbylit mund ta blini në tufa dhe ta rrisni në vazon përkatëse që të mbajë nën kontroll rritjen e lules. Këto vazo me grykë të vogël dhe bazë të gjerë lejojnë rrënjët e lules të rriten në hapësirë dhe në ujë të bollshëm.

Mbusheni vazon me ujë të mjaftueshëm që të arrijë deri tek pjesa e zhardhokut, por mos ta prekë atë. Lini një hapësirë të konsiderueshme mes ujit dhe bazës së zhardhokut i cili nëse bie në kontakt me ujin ka tendencë të kalbet. Pas pak kohësh, rrënjët do të fillojnë të dalin e të zhyten në ujë ndërkohë që zymbyli dalëngadalë do të lulëzojë.

Vazon vendoseni në një zonë të errët dhe të freskët deri sa rrënjët të jenë shpërndarë në ujë dhe sythat e bimës të kenë çelur pak. Ujin e enës duhet ta ndërroni dy herë në javë. Vazoja duhet të ketë gjithnjë ujë të freskët në mënyrë që zymbyli të çelë plotësisht dhe plot bukuri.

Më pas, vazon transferojeni në një vend më të ngrohtë dhe me më shumë dritë. Momenti i duhur është kur gjethnaja e lules është 5 centimetra dhe rrënjët janë tejzgjatur deri në fund të vazos. Enën duhet ta ruani në vend të ngrohtë dhe të ndriçuar për një javë, deri sa sythet e lules kanë marrë ngjyrë të gjelbër.

Zgjidhni vendin më të ndriçuar (por shmangni dritën e plotë të diellit) në shtëpi dhe lëreni zymbylin të lulëzojë plotësisht. Zymbyli tërhiqet nga drita, ndaj rrotullojeni vazon çdo ditë që lulja të mos anojë në një drejtim të vetëm.

Pas dy javësh, zymbyli do të ketë çelur plotësisht. Keni kohë plot për të shijuar aromën e zymbylit dhe bukurinë e tij. /Telegrafi/

Në trend Stil

Më shumë
Arsyeja e çuditshme pse duhet të vendosni letër alumini pas ruterit të internetit

Arsyeja e çuditshme pse duhet të vendosni letër alumini pas ruterit të internetit

Bëje vet
Njerëzit pretendojnë se ‘metoda skandinave e gjumit’ i shpëton martesat dhe marrëdhëniet e tyre: Nuk ka më zënka në shtrat

Njerëzit pretendojnë se ‘metoda skandinave e gjumit’ i shpëton martesat dhe marrëdhëniet e tyre: Nuk ka më zënka në shtrat

Lifestyle
Ja ku ndodhet shtëpia më e shtrenjtë në botë! Ka jetuar në të mbreti, e vjetër 190 vjet, kurse tani pronar është një ukrainas me ndikim

Ja ku ndodhet shtëpia më e shtrenjtë në botë! Ka jetuar në të mbreti, e vjetër 190 vjet, kurse tani pronar është një ukrainas me ndikim

Shtëpi të bukura
A e dini pse ora e mësimit në shkollë zgjat 45 minuta?

A e dini pse ora e mësimit në shkollë zgjat 45 minuta?

Stil
Tri gjëra janë kryesore: A dini t’i kërkoni falje partnerit në mënyrë të drejtë

Tri gjëra janë kryesore: A dini t’i kërkoni falje partnerit në mënyrë të drejtë

Këshilla Lifestyle
Nëse shikon zjarr në ëndërr, është mirë ta marrësh seriozisht

Nëse shikon zjarr në ëndërr, është mirë ta marrësh seriozisht

Lifestyle
Kalo në kategori