Zvicerania reagon pas konferencës së Loredanës: Ajo e ka humbur njerëzillëkun, po e shijon lumturinë me paratë e mia

Ka tash e sa ditë që rap-artistja Loredana Zefi është shndërruar në personazhin më mediatik të momentit.

E akuzuar nga një çift zviceran për zhvatje të parave nën kërcënim, Loredana deklaroi në një konferencë të hapur për media të premten në Prishtinë, se asnjë nga akuzat për dhunë nuk janë të vërteta.

Lexo po ashtu Avokati Tomë Gashi: Publicitet të dëmshëm nuk ka, fama e Loredanës vetëm sa është rritur

“Unë jam gjithmonë aty kur është fjala për familjen time. Jam e lumtur”, ka rrëfyer ndër të tjerash rap-artistja.

Ndërkohë, kundrejt kësaj konference ka reaguar akuzuesja Petra Z. e cila në një prononcim për “20 minuten”, ka thënë se u ndje tejet keq kur pa konferencën e saj.

“Më vjen mirë që ajo është e lumtur me paratë e mia. Unë jam e trishtuar”, ka thënë fillimisht Petra.

Më pas, zviceria ka shtruar se Loredana sipas saj e ka humbur tërësisht ndjenjën e njerëzimit.

Lexo po ashtu Loredana gjatë nervozizmit në konferencë thotë se mediat zvicerane kanë inat dhe shkruajnë vetëm në dëm të saj

“Ajo e ka humbur njerëzimin”, kanë qenë fjalët e Petras për “20 minuten”.

Ndërkohë, Loredana gjatë konferencës u shfaq mjaft e nervozuar, ndërsa tha se ardhja e saj në Kosovë ishte me qëllim realizimin e xhirimeve të klipit të ri. /Telegrafi/