Me ‘’Zonën për Procesim të Eksporteve’’ do të shpërthej ekonomia e Kosovës – Qindra vende të reja për punë

Kompania BP Home Investment gjatë viteve 2018/2019 ka bërë hapin më të madh drejt revolucionit të ekonomisë së Kosovës, për ta lëkundur e shpërthyer atë gjatë dekadës së re si faktor biznesor global.

Për këtë, ajo ka ndërtuar Parkun e Biznesit me konceptin unik, Zonë për Procesim të Eksporteve.

Kjo zonë tashmë është funksionalizuar dhe brenda saj ekzistojnë margaritarët që do të jenë bartës të ndryshimeve ekonomike për mbarë vendin tonë.

Brenda Parkut Biznesor gjenden:

Platforma Fingermarket – një investim dhe financim digjital i projekteve që lidh vendin tonë me gjithë botën në aspektin digjital. Pritet të funksionalizohet gjatë muajve mars/prill të vitit 2020.

Fabrika InstaBuilt – hiç më pak se 40 mijë metra katrorë, e para e këtij lloji për prodhimin dhe asamblim të ndërtimeve modulare që do të hap dyert e botës për Kosovën.

Institutet – nga ShBA, Gjermania dhe Sllovenia, të cilat do të qëndrojnë nga afër dhe do të çerfitikojnë produktet e shërbimet e prodhuesve kosovarë për t’i bërë të pranueshme për gjithë botën.
Partner për Transport (DHL International) qasje e re për transportin RRUGOR, HEKURUDHOR DHE DETAR. Kjo do të thotë se do të grumbullohen mallrat e shërbimet e prodhuesve tanë e do të eksportohen në gjithë botën.

Qendra e dizajnit dhe Inovacionit – e vendosur në një sipërfaqe prej 5700 metra katrorë, ku do të edukohen dhe çertifikohen të rinjët tanë për punë dhe prodhim.

Drejtori menaxhues i BP Home Investment, Mentor Pllana, shprehet se brenda Zonës për procesim të eksporteve ekzistojnë dy fabrika.

“Brenda Parkut kemi FINANCA, PRODHIM, ÇERTIFIKIM, LOGJISTIKË DHE TRAJNIM TË FUQISË PUNËTORE. Pra, dy fabrika. Fabrikë e prodhimit të fuqisë punëtore dhe fabrikë për prodhim të produkteve e shërbimeve”, shprehet z.Pllana në një video të publikuar në faqen zyrtare të BP Home në Facebook.

E veçanta e këtij projekti madhor është prezenca e brendeve me renome botërore si Homag, Weimann, Knauf, Bosch, Schnider, ABB, Rockwool, James Hardie, Egger, Hasslacher, Rehau, Wicona, STO, Thysen Krypp etj.

I gjithë ky projekt natyrisht se ka ndikuar në krijimin e një niveli botëror të ndërtimit nga BP Home Investment. Shtëpitë e BP Home Investment të prodhuara në fabrikën ‘’Instabuilt’’ janë:

Modulare apo hapësira fluturuese – Do të prodhohen në vendin tonë dhe të asamblohen kudo nëpër botë.

Të vetëmbajtshme – me anë të sistemit solar fotovoltaik, prodhojnë energji më tepër se sa që shpenzojnë, që do të thotë se pronarët e shtëpive mund të shesin energji duke e kthyer atë në rrjet.

Digjitale – shtëpitë janë të ndërlidhura me anë të një aplikacioni, ku bëhet menaxhimi dhe automatizimi i shtëpisë nga distanca. Nëse prishet diçka, ju e fotografoni dhe e dërgoni te kompania e mirëmbajtjes. Kompania e mirëmbajtjes vjen e rregullon dhe pastaj pagesa kryhet me anë të po të njëjtit aplikacion.

BP Home vlerëson se vetëm bashkëpunimi dhe profesionalizmi mund të sjellë fryte pozitive në dobi të vendit tonë.

Projektit revolucionar të BP Home Investment mund t’i bashkohen të gjithë të interesuarit nga ku do që jetojnë si nënkontraktor, ndërmjetës, investitor apo si partner duke kontaktuar drejtpërsërdrejti drejtorin Mentor Pllana me anë të formave të kontaktit që mund t’i gjeni në videon e publikuar.

artikull i sponsorizuar