Zjarret e pyjeve që janë përhapur në Siberi me javë të tëra janë të jashtëzakonshme këtë vit.

Videot tregojnë një shtresë të trashë tymi mbi rajonin në Siberi ku zjarret e forta pyjore po trazojnë vendin.

Siberia kishte luftuar me një valë të pazakontë të nxehtësisë në javët e kaluara. Në qytetin Verkhoyansk në Yakutia, i cili është një nga vendet më të ftohta të banuara në botë, temperaturat arritën deri në 38 gradë më 20 qershor.

Sipas Organizatës Botërore të Motit, ky është një rekord për stacionin matës, transmeton Telegrafi.

Kishte regjistrime të nxehtësisë qysh në qershor dhe zjarri u përhap. Por tani në gusht zjarret e pyjeve kanë arritur një intensitet të ngjashëm si vitin 2019, sipas një studiuesi në Projektin e Monitorimit të Atmosferës së Kopernikut të BE-së.

E rrezikshme për njerëzit

Tymi është veçanërisht i dëmshëm për klimën, sepse krijon mjegull dhe më shumë gaze metani në ajër, gjë që është edhe më e dëmshme për mjedisin. Marrja e zjarrit në kontroll është gjithashtu e vështirë në zona të tilla, thonë studiuesit. /Telegrafi/