Politikanët në gjashtë muajt e fundit po merren vetëm me veten e tyre, e jo me ato që janë në interes të qytetarëve, ka thënë përfaqësuesi special i BE-së në Kosovë, Samuel Zhbogar.
Ai ka theksuar se politikanët duhet të merren me ato çështje të cilat do t’ua lehtësonin jetën qytetarëve.
Zhbogar, duke folur në një emision në televizionin publik të Kosovës në gjuhën serbe, ka thënë se tani që Kosova e ka zgjedhur presidentin e ri, i njëjti do të duhej të vazhdonte të kërkonte zgjidhje në dialogun politik mes qeverisë dhe opozitës.
“Qëllimi i tij kryesor do të duhej të ishte përmirësimi i jetës së qytetarëve”, tha Zhbogar, transmeton Koha.net.
Sipas shefit të Zyrës së BE-së në Prishtinë, gjendja momentale politike është brengosëse, ndërsa tha se kjo gjendje duhet stabilizuar.
“Dy marrëveshje, në njëfarë mënyre, e kanë përshpejtuar këtë polarizim ndërsa më pas, me gaz lotsjellës e me të gjitha aksionet policore, është përkeqësuar situata”, tha ai.
Zhbogar ka potencuar se Brukseli zyrtar dënon dhunën në Parlament dhe për të nuk ka justifikim, ndërsa ka thënë se bashkësia ndërkombëtare nuk do të përzihet në marrëdhënien mes qeverisë dhe opozitës.
“Prishtina duhet që vetë të dëshmojë se mund ta zgjidhë krizën politike me të cilën po përballet tash më shumë se gjashtë muaj”, ka shtuar Zhbogar.
Shefi i Zyrës së BE-së në Kosovë, Samuel Zhbogar, , duke folur për asociacionin e komunave serbe, tha se vetëm dialogu do të mund të sillte zgjidhje për këtë çështje, pasi, sipas tij, serbët frikësohet se pa këtë asociacion nuk do të ketë mbrojte kombëtare, ndërsa shqiptarët frikësohen se AKS-ja do të pengojë integrimin e serbëve dhe do të ndante Kosovën.
“Nëse ka më shumë dialog dhe nëse palët do të flisnin më shumë, por edhe t’i dëgjonin të tjerët çfarë flasin, atëherë përmes këtij dialogu mund të themelohet asociacioni, në atë formë që serbët të jenë të kënaqur e të qetë se janë të mbrojtur mjaftueshëm, ndërsa në të njëjtën kohë të kuptojnë edhe shqiptarët se kjo nuk do të thotë ndarje e Kosovës”, vlerëson Zhbogar.
Më tej, Zhbogar bën thirrje që negociatorët të debatojnë më shumë rreth negociatave që zhvillohen në Bruksel mes Kosovës dhe Serbisë, si para, ashtu edhe pas përfundimit të raundeve. Ai kërkon më shumë transparencë nga ky dialog.
Ai ka konfirmuar se javën e ardhshme në Kosovë do të qëndrojë një mision teknik i BE-së i cili do të vlerësojë nëse Kosova i ka përmbushur të gjitha kushtet për liberalizim të vizave, duke potencuar se është në dorën e udhëheqësve të Kosovës nëse qytetarët do të mund të udhëtojnë së shpejti pa viza në Evropë.
Samuel Zhbogar pret që gjykata speciale për krime lufte të qartësojë të gjitha pretendimet e raportit të senatorit Dick Marty, pasi që në të kundërtën, Kosova gjithmonë do të ndërlidhet me, siç ka thënë ai, “akuzat e tmerrshme të këtij raporti”.
“Kjo është një re e zezë mbi Kosovën, dhe vetëm kjo gjykatë mund ta largojë atë”, ka përfunduar Zhbogar.
Promo
Reklamo këtuLufta Prigozhin - Putin
Më shumëMospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Kosova jashtë KiE-së, deputetja finlandeze akuzon BE-në se po tregohet e butë me Serbinë
Kosova jashtë KiE, Mujanoviq: BE po çon ujë në ‘mullirin’ e Vuçiqit
Operacioni i SPAK, RENEA ‘zbarkon’ në vilat e bosëve të krimit, ngjiten me shkallë
Plagosje me armë zjarri në Nashec të Prizrenit
Vjosa Osmani në Clinton Global Initiative në Bullgari
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë