Zgjerohet debati për ndalimin e aplikacionit “TikTok” në Maqedoninë e Veriut
Forcim i sistemit të kontrollit në institucionet arsimore, ngritja e nivelit arsimor dhe forcimi i shërbimeve profesionale që do të kujdesen për shëndetin mendor të fëmijëve, do të ndihmonte shumë në procesin e parandalimit të rasteve të përgjegjësisë penale tek të miturit. Por është gjithashtu e nevojshme që prindërit të marrin përgjegjësi serioze në kontrollin e fëmijëve, apelojnë institucionet kompetente në Maqedoninë e Veriut, të cilat ndezën alarmin për kontroll më të madh ndaj fëmijëve, pas rastit me 13-vjeçarin në Serbi, i cili vrau tetë shokë të klasës dhe rojen e shkollës.
Pas kësaj ngjarje, në Maqedoninë e Veriut është rritur presioni për të ndaluar TikTok-un, por edhe për uljen e kufirit të moshës për përgjegjësi penale për të miturit, si dhe për dënime më të rrepta për armëmbajtje pa leje dhe municione, përcjell Telegrafi Maqedoni.
Ministri i Arsimit Jeton Shaqiri në një deklaratë për media, njoftoi se institucionet kompetente do të vlerësojnë rrezikun potencial nga përdorimi i aplikacionit TikTok nga nxënësit, ndërsa më pas do të vendosin nëse duhet të kufizohet përdorimi i tij.
Ai tha se për sigurinë e shkollave do të ketë takime më intensive duke përfshirë pedagogët, psikologët dhe prindërit, ndërsa nga shtatori do të ketë edhe udhëzues dhe protokolle me masa të veçanta.
“Nëse mund të kemi kufizime specifike nga institucionet e informatikës në mënyrën e hapjes dhe futjes së të dhënave, do t’i shqyrtojmë të gjitha mundësitë”, tha Shaqiri, duke shtuar se rekomandimet lidhur me këto përmbajtje janë duke u shqyrtuar edhe në vende të tjera.
Ndërsa ministri i Shoqërisë Informatike dhe Administratës Azir Aliu, më parë deklaroi se si ministri nuk kanë marrë qëndrim nëse duhet të ndalohet TikTok-u, por mendon se duhet të ketë rregullatorë për platformat sociale.
“MSHIA ka qëndrim të qartë se është kundër çdo lloj gjuhe të urrejtjes apo dhunës, pa përjashtim, dhe ne mbështesim sanksionimin e çdo burimi të dhunës/gjuhës së urrejtjes. Ministria merr parasysh të gjitha platformat sociale pa përjashtim. Edhe pse aktualisht nuk mbajmë qëndrim për të ndaluar asnjë platformë sociale, por edhe si prindër, besojmë fuqishëm se platformat sociale si fenomen i qytetërimit të kohës sonë duhet të fillojnë të rregullohen”, thotë Aliu.
Kurse ministri i Punëve të Brendshme Oliver Spasovski, ka deklarur se duhet të ketë debat të gjerë në lidhje me propozimet për uljen e kufirit të moshës për përgjegjësi penale te të miturit.
“Vendimet nuk duhet të merren me emocione dhe të ndarë, por me arsye. Mendoj se kur bëhet fjalë për sigurinë, duhet të vlerësohen të gjitha opinionet që kontribuojnë në këtë drejtim”, tha Spasovski.
Sipas tij, prindërit kanë një përgjegjësi serioze në këtë pjesë, duke iu referuar kontrollit ndaj fëmijëve në lidhje me qasjen në internet, media sociale etj.
“Tragjeditë me të cilat po përballet shoqëria serbe janë alarm për ne si organ ligjzbatues dhe na detyrojnë si institucione të mobilizojmë për kontroll sa më efektiv të armëve edhe në vendin tonë”, thotë prokurori publik Ljubomir Joveski, i cili u dërgoi mesazh prokurorëve publikë të veprojnë për të forcuar politikën penale për armëmbajtje pa leje dhe municione.
“Kërkoj nga të gjithë prokurorët publikë në shtet të insistojnë për dënime më të ashpra për armëmbajtje pa leje. Për vepra të tilla nuk duhet të ketë masa alternative”, tha Joveski./Telegrafi/
Lufta Prigozhin - Putin
Më shumëNga Rubrika
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ish-Avokati i Popullit për rastin e dyshuar të ngacmimit seksual në UP: Nuk u trajtua si duhet nga aspekti ligjor
Votat për Kodin Civil: Haxhiu thotë se iu duhet edhe ca kohë – PDK pa vendim, LDK e konsideron punë të qeverisë
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjatë një operacioni policor në Prishtinë e Gjilan, gjenden dy bunkerë dhe armë zjarri
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Ekspertja e Këshillit të Evropës kritikon Komisionin parlamentar lidhur me Projektligjin për KPM-në
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre