Mbajtja e zgjedhjeve të parakohshme parlamentare, sipas analistëve kosovarë, po duket të jetë çdo ditë e më afër.
Sipas tyre, fushata e filluar nga liderët e partive politike, është tregues i qartë se zgjedhjet janë shumë afër.
Analisti Imer Mushkolaj, ka theksuar se koalicioni qeverisës do të provojë që t’i kalojë demarkacionin dhe Asociacionin, para se të shkohet në zgjedhje.
Ai ka thënë për Telegrafin se fushata e liderëve të partive kryesore po vazhdon, dhe kjo është shenjë e qartë sipas tij, se zgjedhjet janë afër.
“Mbajtja sa më e shpejtë e zgjedhjeve i konvenon sidomos PDK-së, në mënyrë që të provojë ta kapitalizojë edhe njëherë mbështetjen që e ka në elektorat. Zgjedhjet e parakohshme janë të nevojshme edhe po që se kalojnë demarkacioni e Asociacioni, ngase qeverisja aktuale nuk po ia del të përmbush agjendën ekzekutive dhe vazhdimi i një qeverisjeje të tillë vetëm sa do të dëmtojë edhe më shumë vendin dhe qytetarët”, ka shtuar Mushkolaj.
E analisti Arben Ahmeti, ka thënë se demarkacioni ose Asociacioni mund të përdoren si shkas për të shkuar në zgjedhje, por këto nuk janë arsyeja.
Sipas tij, Qeveria aktuale e ka numrin e mjaftueshëm të deputetëve për ta kaluar si njërën ashtu edhe tjetrën çështje.
“Në një rast kur PDK-ja do ta donte këtë qeveri aq sa LDK-ja, atëherë këto të dyja do të kalonin pa ndonjë problem. Por, e vërteta është se PDK nuk e do këtë qeveri. Është qeveria në të cilën PDK-ja ka përfunduar nga zori të cilin ia kishte krijuar koalicioni VLAN. Prej fillimit është ditur se PDK-ja, do të përdorte këtë qeveri përkohësisht, për të zgjedhur Thaçin president”, ka shtuar Ahmeti.
Sipas tij, “ky transformim tashmë ka ndodhur, dhe PDK nuk ka kurrfarë arsye të qëndrojë në këtë qeveri”.
“Me një LDK të dërrmuar dhe me një VV-ja që asnjëherë nuk bëhet gjithëpërfshirëse, dhe nuk lejon t`i ndodhin debate brenda, PDK shkon në zgjedhje e bindur se do të rikonfirmohet në vend të parë dhe kësisoj do të marrë kryeministrin”.
Sipas tij, humbësi me i madh do të ishte LDK-ja, duke shtuar se “fitues ndoshta do të ishte VV, nëse e konsiderojnë fitoren daljen si partia e dytë”.
“Fitues do të ishte PDK që do të marrë kryeministrinë derisa e ka presidencën. Për ironi, një përpjekje si VLAN që kishte për qëllim ta largonte PDK-në, nga të gjitha institucionet po na krijon një situatë kur presidenti dhe kryeministri janë nga PDK. Ky është lajm i keq për Kosovën, por mësim i mirë për opozitën shkurtpamëse”, ka shtuar Ahmeti.
Ai ka thënë se një arsye tjetër pse ai pret të ketë zgjedhje shpejt, ka të bëjë sipas tij, me një nevojë të PDK-së.
“Kjo parti e ka të rëndësishme që procesi i transformimit të lidershipit të ndodh para se Gjykata Speciale të ngre aktakuzat e para”, ka shtuar Ahmeti. /Telegrafi/
Promo
Reklamo këtuLufta Prigozhin - Putin
Më shumëBabai plagosi të bijën dhe më pas vrau veten, i afërmi: Vajza ishte e divorcuar, fëmijët i kishte marrë i ati
Departamenti Amerikan i Shtetit jep detaje të takimit Allen-Osmani
Babai i Hashim Thaçit flet pas takimit me djalin në Hagë
Ministria e Brendshme paralajmëron se një pjesë e agjencive të pavarura e ekzekutive do të shuhen
Thaçit i shkojnë për vizitë në Hagë prindërit e tij
Zeqiri reagon pas shkarkimit: “Puç” i përgatitur prej kohësh
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare