Zgjedhja e prokurorëve të rinj, dyshohet për skandale të reja në Këshillin e Prokurorëve

Skandal i ri ka dridhur Këshillin e Prokurorëve Publik, pas informacioneve në publik se kryetari i këtij trupi, Kole Shterjev, në mënyrë joligjore ka zgjedhur mbesën e tij në Prokurorinë për Ndjekjen e Krimit të Organizuar dhe Korrupsionit.

Makfaks njofton se në zgjedhjet e djeshme të prokurorëve për mandat të ri, Lidija Raiçeviq nga Prokuroria për Krim të Organizuar ka votuar për Fidanka Rajevskan. Ajo është gruaja e Ljube Rajevski, njëri nga drejtorët e NLB Bankës, i cili prej vitit të kaluar është i dyshuar për keqpërdorim të pozitës zyrtare dhe larje parashë, përcjell Telegrafi Maqedoni.

Kryetari i Këshillit të Prokurorëve Publik, Kole Shterjev tha se kolegia e tij, Fidanka Rajevska ka votuar kur është sjellur vendimi për Raiçeviq, por nuk zbuloi se si.

Sipas Shterjev, Raiçeviq nuk është zgjedhur në Prokurorinë për Krim të Organizuar pasi nuk ka pasur pikë të mjaftueshme. Rajevska në vitin 2012 është zgjedhur për prokuror publike, ndërsa katër vite më vonë është zgjedhur anëtare e Këshillit të Prokurorëve Publik.

Këshilli i Prokurorëve dje zgjodhi shtatë prokurorë në Prokurorinë për Krim të Organizuar. Ndërsa mes tyre nuk ishte prokurorja Raiçeviq, e cila ka konkurruar në shpallje./Telegrafi/