LAJMI I FUNDIT:

Zëvendëspresidenti i Iranit merr postin e presidentit, ka 50 ditë për të organizuar zgjedhjet – kush është Mohammad Mokhber?

Zëvendëspresidenti i Iranit merr postin e presidentit, ka 50 ditë për të organizuar zgjedhjet – kush është Mohammad Mokhber?

Pas vdekjes së presidentit të Iranit, Ebrahim Raisi, postin e tij pritet ta merr zëvendësi i tij Mohammad Mokhber.

Por kush është 68-vjeçari, i cili sipas kushtetutës së Iranit pritet të bëhet president i përkohshëm pas vdekjes së Ebrahim Raisit, i cili humbi jetën si pasojë e rrëzimit të helikopterit, transmeton Telegrafi.

Si president i përkohshëm, Mokhber është pjesë e një këshilli prej tre personash, së bashku me kryetarin e parlamentit dhe kreun e gjyqësorit, që do të organizojë zgjedhje të reja presidenciale brenda 50 ditëve nga vdekja e presidentit.

I lindur më 1 shtator 1955, Mokhber, ashtu si Raisi, shihet si i afërt me liderin suprem Ali Khamenei, i cili ka fjalën e fundit në të gjitha çështjet e shtetit. Mokhber u bë nënkryetar i parë në 2021, kur Raisi u zgjodh president.

Mokhber ishte pjesë e një ekipi zyrtarësh iranianë që vizituan Moskën në tetor dhe ranë dakord të furnizonin me raketa tokë-tokë dhe më shumë dronë për ushtrinë ruse, thanë burimet për Reuters në atë kohë.

Ekipi përfshinte gjithashtu dy zyrtarë të lartë të Gardës Revolucionare të Iranit dhe një zyrtar nga Këshilli i Lartë i Sigurisë Kombëtare.

Kush ishte presidenti iranian Ebrahim Raisi?
Lexo po ashtu Kush ishte presidenti iranian Ebrahim Raisi?

Ai kishte qenë më parë kreu i Setad, një fond investimi i lidhur me liderin suprem.

Në vitin 2010, Bashkimi Evropian përfshiu Mokhber në një listë të individëve dhe subjekteve që po sanksiononte për përfshirje të supozuar në “aktivitete bërthamore ose raketore balistike”. Dy vjet më vonë, e hoqi atë nga lista.

Në vitin 2013, Departamenti i Thesarit i SHBA-së shtoi Setad dhe 37 kompani që mbikëqyrte në një listë të subjekteve të sanksionuara.

Setad, emri i plotë i të cilit është Setad Ejraiye Farmane Hazrate Emam, ose Shtabi për Ekzekutimin e Urdhrit të Imamit, u krijua sipas një urdhri të lëshuar nga themeluesi i Republikës Islamike, paraardhësi i Khameneit, Ayatollah Ruhollah Khomeini.

Ajo urdhëroi ndihmësit të shesin dhe menaxhojnë pronat e supozuara të braktisura në vitet kaotike pas Revolucionit Islamik të vitit 1979 dhe të kanalizojnë pjesën më të madhe të të ardhurave për bamirësi. /Telegrafi/

Në trend Botë

Më shumë
Çfarë tha Stoltenberg teksa theksoi se NATO është në bisedime për t’i vënë armët bërthamore në gjendje gatishmërie?

Çfarë tha Stoltenberg teksa theksoi se NATO është në bisedime për t’i vënë armët bërthamore në gjendje gatishmërie?

Botë
Si dhe pse përplasen tufat e shpendëve me aeroplanët?

Si dhe pse përplasen tufat e shpendëve me aeroplanët?

Botë
Shpërthim i madh në qytetin rus

Shpërthim i madh në qytetin rus

Evropa
E kishte nxjerrë për shëtitje në oborrin e Shtëpisë së Bardhë, qeni i presidentit amerikan kafshon një agjent të Shërbimit Sekret

E kishte nxjerrë për shëtitje në oborrin e Shtëpisë së Bardhë, qeni i presidentit amerikan kafshon një agjent të Shërbimit Sekret

Amerika
Festimet e Kurban Bajramit – imazhe nga disa vende të botës

Festimet e Kurban Bajramit – imazhe nga disa vende të botës

Botë
Autoritetet gjermane japin detaje rreth “konfiskimit më të madh të drogës së klasit A që Evropa ka parë ndonjëherë”

Autoritetet gjermane japin detaje rreth “konfiskimit më të madh të drogës së klasit A që Evropa ka parë ndonjëherë”

Botë
Kalo në kategori