Zelensky zbulon se raketa e re e Ukrainës me rreze të gjatë që mund të godasë Moskën, ka kaluar testet dhe është gati për përdorim

Presidenti ukrainas Volodymyr Zelensky ka zbuluar se Ukraina ka testuar me sukses raketën e saj të re “Made in Ukraine” e quajtur Long Neptun, me rreze veprimi prej 1,000 kilometrash.

Kjo e vendos kryeqytetin rus Moskën brenda rrezes së tij, me Zelensky që thotë se Kievi ka pasur ‘rezultate të rëndësishme’ në programin raketor që synon të sigurojë sigurinë e tij kundër kërcënimit të Vladimir Putin.

“Long Neptun është testuar dhe përdorur me sukses në luftime. Një raketë e re ukrainase, një goditje e saktë. Gama është një mijë kilometra”, tha ai, transmeton Telegrafi.

‘Faleminderit për zhvilluesit, prodhuesit dhe ushtrinë tonë. Vazhdojmë të punojmë për të garantuar sigurinë e Ukrainës”, tha ndwr tjera presidenti ukrainas.

Kanali ukrainas Exilenova+ në Telegram sugjeroi se goditja dramatike e së premtes në rafinerinë e naftës Tuapse mund të ketë qenë nga Neptuni i ri, i cili është një zhvillim i versionit të mëparshëm të armës që fundosi anijen e Putinit të Flotës së Detit të Zi, Moskva në 2022.

“Ekziston një supozim se ishte Neptuni [i ri]”, u tha në Telegram.

Dhjetë shpërthime u dëgjuan kur ndodhi goditja. Megjithatë, nuk kishte asnjë konfirmim zyrtar dhe një sulm me raketë – në vend të dronit me rreze të gjatë – mund të kishte shkaktuar shumë më tepër kaos.

Megjithatë, rafineria Tuapse, një furnizues kryesor i makinerisë ushtarake ruse, ishte ende duke u djegur 36 orë pasi u godit, siç shihet në pamjet dramatike të postuara në rrjetet sociale.

Rafineria është vetëm 55 milje nga pallati 1.5 miliard eurosh i Putinit në një shkëmb në Gelendzhik në Detin e Zi, dhe goditja ishte një paralajmërim për të.

Një tjetër goditje shkatërruese erdhi të premten, kur Ukraina rrafshoi muzeun lokal të historisë në Sudzha menjëherë pasi qyteti i rajonit Kursk ra përsëri në duart e rusëve.

Nuk ishte e qartë nëse kjo mund të ketë qenë një goditje me Long Neptun.

Por pati gjithashtu një pretendim në janar se versioni i ri i Neptunit kishte shkatërruar një magazinë të dronëve rusë në fshatin Chaltyr, në rajonin e Rostovit.

Njoftimi i sotëm për Neptunin vjen mes raporteve se qeveria e re në Gjermani nën kancelarin e ardhshëm Friedrich Merz, ka të ngjarë të miratojë vendosjen e raketave me rreze të gjatë Taurus – secila kushton deri në 1.5 milion euro – në Ukrainë.

Ajo ka dyfishin e rrezes së raketës britanike Storm Shadow, të cilën Ukraina nuk e ka përdorur javët e fundit.

Neptuni me rreze të gjatë është prodhuar nga prodhuesi Luch Design Bureau.

Arma fillimisht ishte projektuar si një raketë kundër anijeve, por është përshtatur gjatë luftës për të goditur objektivat tokësore, dhe tani për të goditur në një distancë të gjatë. /Telegrafi/