Zelensky: Qëllimi i Rusisë nuk është vetëm shkatërrimi i Ukrainës, por i tërë projekti evropian

Presidenti ukrainas Volodymyr Zelensky në adresimin e tij më të fundit, ka thënë se Rusia nuk ka pritur një zhvillim të tillë të situatës në Ukrainës, dhe se Moska ka për cak jo vetëm shkatërrimin e Ukrainës, por edhe vet projektin evropian.

Zelensky falënderoi kryeministrin britanik Boris Johnson për vizitën në Kiev, duke theksuar se Londra për asnjë moment nuk ka hezituar ta ndihmojë Kievin, dhe se mbrojtja e demokracisë dhe Evropës do të mbesin të shkruara në histori, transmeton Telegrafi.

“Qëllimi i aleancës tonë kundër luftës është plotësisht e qartë, që sa më shpejtë të merr fund kjo luftë e filluar nga Rusia. Të çlirojmë vendin tonë dhe pushtuesi dhe të garantohet siguria për Ukrainën, demokracia dhe liria e popullit të Evropës Lindore”, tha Zelensky.

Lexo po ashtu Nga ndihma ushtarake dhe huatë multimilionëshe - përfundon vizita befasuese e Johnsonit në Kiev

Presidenti ukrainas konsideron që agresioni rus nuk është i kufizuar vetëm në Ukrainë, dhe se do të godet të gjitha vendet.

“Nga shkatërrimi i lirisë, e vetë jetët tona. I tërë projekti evropian është cak i Rusisë”, shtoi Zelensky.

I pyetur nëse Moska ka mundur të pret që në ditën e 45-të të pushtimit të ketë një situatë të tillë, Zelensky tha: “Jo, nuk kanë mundur ta imagjinojnë. Këtë situatë e ka sjellë uniteti jonë. Çdo ukrainas që më 24 shkurt vendosi të kundërshtojë Rusinë, ka zgjedhur Ukrainën dhe lirinë e të ardhmen e këtij vendi”.

Lexo po ashtu Brenda njësisë elitare të dronëve ukrainas të themeluar nga ekspertë vullnetarë të IT-së: Tani jemi të gjithë ushtarë

Ai theksoi se lufta nuk është afër fundit, pasi Rusia po vazhdon veten ta ngushëllojë me iluzione duke angazhuar ushtarë shtesë.

“Kjo do të thotë se nevojiten më shumë sanksione. Nevojiten më shumë armë për shtetin tonë”, shtoi Zelensky. /Telegrafi/