Numërimi mbrapsht për sezonin 2024/25 të Ligës Premier veçse ka filluar tashmë pas publikimit të listës së ndeshjeve të sezonit të ri.
Xhiro e parë e sezonit të ri në Ligën Premier fillon të premten, më 16 gusht, ku Manchester United pret Fulhamin në Old Trafford.
Kampionët në fuqi, Manchester City, përballen me një ndeshje jashtë fushe kundër Chelseat të dielën, më 18 gusht, teksa do të përpiqen për fillojnë luftën për titullin e pestë radhazi.
Nën-kampionët e sezonit të kaluar, Arsenali hapin sezonin e tyre në Emirates Stadium kundër Wolves.
Duke u kthyer drejt skuadrave të promovuara, Ipswich bënë rikthimin e tyre në Ligën Premier pas 22 vitesh me një ndeshje në shtëpi ndaj Liverpoolit në mesditën e së shtunës, 17 gusht.
Leicester City do të përballet me Tottenhamin në shtëpi dhe Southampton do të luajë në udhëtim te Newcastle.
Edicioni 2024/25 do të përbëhet nga 33 xhiro vikendi, katër raunde të mesjavës dhe një raund “Pushimi Bankar”, ndërsa pushimi i mes-sezonit është hequr.
Dita e fundit e sezonit është më 25 maj me të 20 skuadrat që luajnë njëkohësisht, siç është bërë traditë.
Ndeshjet e xhiros së parë në Ligën Premier
E premte, 16 gusht
Manchester United vs Fulham
E shtunë, 17 gusht
Ipswich Town vs Liverpool
Arsenal vs Wolves
Everton vs Brighton
Neëcastle United vs Southampton
Nottingham Forest vs Bournemouth
West Ham United vs Aston Villa
E diel, 18 gusht
Brentford vs Crystal Palace
Chelsea vs Manchester City
E hënë, 19 gusht
Leicester City vs Tottenham Hotspur
/Telegrafi/
