Zaev, Shahpaska, Filipçe në takim me prindërit: Do të tregojmë fleksibilitet maksimal, por duhet të mësojmë të jetojmë me pandeminë
Kryeministri Zaev, ministrja e Punës dhe Politikës Sociale, Jagoda Shahpaska dhe ministri i Shëndetësisë, Venko Filipçe, sot në Qeverinë e Republikës së Maqedonisë së Veriut u takuan me tre prindër, përfaqësues të prindërve të cilët kanë shfrytëzuar masën për vazhdim të pushimit të lindjes për shkak të pandemisë me Covid-19, ndërsa të cilët reaguan në vendimin e Qeverisë më 23 shtator 2020, të gjithë prindërit e fëmijëve prej 0 deri në moshën 6 vjeçare të kthehen në vendet e tyre të punës, pasi që kopshtet filluan me punë me 9 shtator.
Përfaqësuesit e prindërve parashtruan kërkesë deri te Kryeministri dhe ministrat për vazhdim të përkohshëm të masës për vazhdimin e pushimit të lindjes, prej 1 deri në 2 muaj, me qëllim të përshtatjes më të lehtë me situatën e re të krijuar dhe përkujdesit më efikas të fëmijëve të tyre, njofton Telegrafi Maqedoni.
Në deklaratën e Qeverisë thuhet se kryeministri Zaev i bindi prindërit se prioritet i Qeverisë është shëndeti dhe mirëqenia e fëmijëve dhe të gjithë qytetarëve dhe se Qeveria do të ketë parasysh kërkesat e tyre, veçanërisht për kërkesat specifike dhe nevojat e grupeve të caktuara të prindërve.
“Marrim si obligim që të shqyrtojmë kërkesat dhe nevojat tuaja dhe tu përgjigjemi në afat sa më të shkurtër. Do të tregojmë fleksibilitet maksimal për raste të caktuara specifike. Lidhur me pasqyrën epidemiologjike, me vëmendje i ndjekim rekomandimet e Komisionit për sëmundje ngjitëse dhe si rrjedhojë gjithmonë mendojmë për vendimet e marra, arsyetimin e tyre dhe nevojën për korrigjimin e tyre. Shëndeti i qytetarëve është prioriteti ynë, por duhet të mësojmë të jetojmë me pandeminë”, deklaroi Kryeministri Zaev.
Ministri Venko Filipçe theksoi se çdo masë e re hap çështje të reja dhe se masat do të pësojnë ndryshime sipas situatës së re dhe nevojave specifike të prindërve të caktuar.
“Me dokumentacion adekuat mjekësor, prindërit e fëmijëve të hyjnë në grupin e rrezikuar, mund të përjashtohen nga detyrimi për t’u kthyer në punë. Megjithatë, do të theksoj se fëmijët më të vegjël kanë imunitet mjaft të lartë dhe se deri më tani nuk kemi rast të fëmijëve të sëmurë rëndë në vendin tonë”, theksoi ministri Filipçe.
Ministrja e Punës dhe Politikës Sociale, Jagoda Shahpaska i bindi prindërit se në përputhje me sondazhet që ministria kompetente i bën në teren, në kopshte ka shumë vende të lira për të gjithë ata prindër që deri më tani nuk i kanë regjistruar fëmijët e tyre.
“Inspektorët tanë me vëmendje e ndjekin gjendjen në terren dhe ju siguroj që situata është nën kontroll të plotë. Gjithashtu, apeluam deri te prindërit të cilët i kanë regjistruar fëmijët e tyre në kopsht, ndërsa nuk i dërgojnë, të lirojnë vendet për prindërit të cilët kanë nevojë për këtë lloj të përkujdesit. Këtë proces më tutje duhet ta ndjekin dhe ta kontrollojnë kopshtet dhe komunat”, nënvizoi Shahpaska.
Në fund të takimit, Kryeministri Zaev dhe dy ministrat ua përcollën prindërve vendosmërinë e fuqishme që tërësisht të respektojnë kërkesat e tyre dhe se Qeveria gjithmonë do të sjell vendime në bazë të interesit të tyre./Telegrafi/
Lufta Prigozhin - Putin
Më shumëBE-ja mbështet Serbinë për muri - nëse e pengon Kosovën në organizatat ndërkombëtare, do t'i bllokohet procesi i anëtarësimit
Macron ia konfirmon Kurtit mbështetjen për Kosovën në KiE - kërkon formimin e Asociacionit
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Zgjidhen dekanët e rinj në 14 fakultete të Universitetit të Prishtinës
Osmani: Drafti i statutit të Asociacionit do të dërgohet në Gjykatën Kushtetuese
"Nënat e Srebrenicës" falënderojnë presidenten Osmani: Një fjalim i tillë do të mbahet mend ndër breza
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj