Aktori amerikan, Paul Wesley (42 vjeçar), i cili njihet nga shumë njerëz për rolin e tij në serialin "Vampire Diaries", i propozoi martesë modeles Natalie Kuckenburg (25 vjeçare).
Ajo ndau një fotografi me unazën dhe shkroi: "Po. Gjithmonë dhe përgjithmonë".
Të dy u panë për herë të parë së bashku në nëntor të vitit 2022 në Itali. Aktori më parë i tha revistës People se e qeshura është çelësi i një marrëdhënieje të suksesshme.
Italia është një nga destinacionet e tyre të preferuara, kështu që ata do të kalojnë pushimet atje edhe këtë verë.
Në fillim të kësaj jave, ata qëndruan në Toskanë dhe një pjesë të atmosferës e postuan në Instagram.
Wesley ishte i martuar më parë me Ines de Ramon, të dashurën aktuale të Brad Pitt.
Lajmi për divorcin e tyre u konfirmua për mediat amerikane në shtator 2022 dhe divorci u finalizua në vitin 2024.
Kuckenburg nga ana tjetër nënshkroi një kontratë me agjencinë e talenteve Elite Model Management. /Telegrafi/
