LAJMI I FUNDIT:

Xherdan Shaqiri ka arritur marrëveshje personale me Lyonin

Xherdan Shaqiri ka arritur marrëveshje personale me Lyonin

Ylli shqiptar i Liverpoolit, Xherdan Shaqiri thuhet se ka arritur marrëveshje personale me klubin francez, Lyon dhe një transferim mund të përfundoj shumë shpejtë.

Shaqiri mendohet se ka luajtur tashmë ndeshjet e fundit me Liverpoolin, pasi këtë verë do të largohet nga klubi anglez.

Ofertat për yllin shqiptar nga Gjilani nuk kanë munguar asnjëherë, por është një klub më këmbëngulës.


Shaqiri gjithmonë e më afër Ligue 1, zbulohet oferta e Lyon
Lexo po ashtu Shaqiri gjithmonë e më afër Ligue 1, zbulohet oferta e Lyon

Bëhet fjalë për francezët e Lyonit, të cilët thuhet se kanë fituar garën për transferimin e Shaqirit.

Sipas gazetarit Fabrizio Romano, Shaqiri ka përfunduar marrëveshjen e tij mbi kushtet personale me Lyonin.

Kontrata që Shaqiri do ta nënshkruaj me Lyonin është e vlefshme deri në qershor të vitit 2024.

Romano shton se Shaqiri tani po shtyn të bashkohet me skuadrën e Ligue 1, e cila po ofron 6 milionë euro plus bonuse, ndërsa Reds duan më shumë.

Mes klubeve ende nuk ka marrëveshje, por bisedimet janë në vazhdim. /Telegrafi/