Ministrja shqiptare për Evropën dhe Punët e Jashtme, Olta Xhaçka priti sot në një takim Përfaqësuesin Special të Gjermanisë për Ballkanin Perëndimor, Manuel Sarrazin.
Në një konferencë për shtyp pas takimit, ministrja Xhaçka theksoi se Evropa duhet medoemos të investojë strategjikisht në rajonin tonë, pasi potenciali për konflikt në Ballkanin Perëndimor është më i larti në 20 vitet e fundit.
Sipas saj, nevojiten veprime konkrete nga ana e BE-së, duke filluar nga caktimi i një date për mbajtjen e Konferencës së parë Ndërqeveritare për Shqipërinë, e deri te artikulimi i një vizioni të qartë e të prekshëm integrimi për çdo vend të rajonit.
“Potenciali për konflikt në rajonin tonë, ende përpara fillimit të luftës në Ukrainë, ka qenë më i lartë se kurrë në ndonjë pikë tjetër në 20 vitet e fundit. Kriza e shkaktuar nga agresioni i Rusisë ndaj Ukrainës dhe kërcënimet ndaj të gjitha shteteve që e kanë mbështetur vendosjen e sanksioneve ekonomike ndaj Rusisë, kanë rritur rrezikun e destabilizimit të disa shteteve të rajonit, ashtu siç përfshirja e Shqipërisë, Malit të Zi dhe Maqedonisë së Veriut në listën e shteteve jomiqësore të Presidentit [Vladimir] Putin ka nxjerrë qartë në pah objektivat e Rusisë dhe politikën e saj të ndërhyrjes në Ballkanin Perëndimor”, u shpreh Xhaçka.
Nga ana tjetër, Përfaqësuesi Special Sarrazin deklaroi se mbrojtja dhe konsolidimi i BE-së si një zonë e hapur lirie dhe e të drejtës është e mundur vetëm me përfshirjen e vendeve të Ballkanit Perëndimor.
“Procesi i Berlinit bëri të qartë se cili është potenciali që fsheh bashkëpunimi gjithëpërfshirës i të gjashtë vendeve të Ballkanit Perëndimor. Krijimi dhe garantimi i katër lirive themelore të BE-së në rajon është me rëndësi maksimale për mbarë rajonin”, tha ai.
“Shqipëria, Ballkani Perëndimor dhe perspektiva e anëtarësimit në BE për të gjithë rajonin janë të një rëndësie strategjike”, ka thënë Sarrazin.
Duke nënvizuar se ky është prioritet i qeverisë Gjermane, Sarrazin u ndal edhe te situata në Ukrainë.
“Agresioni i Putinit ndaj një shteti sovran në Evropë evidenton se arritjet evropiane të dekadave të fundit, jeta në një zonë të hapur lirie dhe mirëqenieje, nuk janë diçka e vetëkuptueshme, dhe se ne duhet të angazhohemi rishtas çdo ditë për mbrojtjen dhe konsolidimin e tyre,” ka shtuar ai.
Manuel Sarrazin u caktua nga qeveria gjermane gjatë muajit shkurt si Përfaqësuesi Special i Gjermanisë për Ballkanin Perëndimor.
Sarrazin është i dërguari i parë gjerman për këtë rajon, pasi pozita e tillë nuk ka ekzistuar në qeveritë e mëparshme gjermane.
Ministrja Xhaçka e cilësoi emërimin e një të dërguari të posaçëm nga Gjermania, si një sinjal të mirëpritur vëmendjeje dhe përkushtimi ndaj rajonit. /Telegrafi/
Lufta Prigozhin - Putin
Më shumëU tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Joseph: Supriza e KS-së ishte se Kosova dhe Rusia u pajtuan për rëndësinë e fushatës ajrore të NATO-s, Putin e ka hedhur Serbinë nën autobus
Këshilli i Etikës rekomandon pezullimin e punës së Xhevat Krasniqit nën dyshimin për ngacmim seksual
Parlamenti Evropian miraton heqjen e vizave për shtetasit e Kosovës që kanë pasaporta të Serbisë
Një shqiptar humb jetën në një aksident trafiku në Itali
BE-së i kërkohet largimi i masave sanksionuese ndaj Kosovës, analistët tregojnë se çfarë ndodhë pas procesit që dështoi në veri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj