Wuhani assesi të këndellet, pas coronavirusit rrezikohet nga një “krizë” e re – shirat e rrëmbyeshëm vërshojnë qytetin

Një “krizë” e re ka shpërthyer në qytetin kinez Wuhan, nga ku shpërtheu pandemia e coronavirusit.

Përveç të reshurave të mëdha të shiut dhe përmbysjeve në Kinë, miliona jetë njerëzish po rrezikohen në këtë qytet që gjendet në afërsi të liqeni Jangcekyang, ku niveli i mbrojtjes nga vërshimet është ngritur në shkallën e dytë, transmeton Telegrafi.

Shirat e rrëmbyeshëm janë duke rënë tash e disa ditë në Wuhan dhe në periferi të këtij qyteti, kurse në disa rajone përreth saj ka rënë 250 milimetra shi brenda 24 orëve, më saktësisht 250 litra për metër katror.

​ Në shumë vende niveli i ujit është rritur nëpër lumenj, madje disa kanë dalë prej shtrati, kurse në Wuhan autoritetet po bëjnë të pamundurën që qyteti të mos vërshohet nga uji.

Sipas institutit kinez të meteorologjisë, reshje të shiut pritet të ketë edhe në ditët në vijim në Wuhan. /Telegrafi/

#Wuhan in central #China's Hubei province raised its emergency response for flood control to level II starting from July 6 after heavy rains battered the city on Sunday, according to the city’s flood control and drought relief headquarters. pic.twitter.com/NU9Y1PalR2

— ivan (@ivan8848) July 6, 2020