Wladimir Klitschko thuhet se ka rënë dakord për një marrëveshje prej 108 milionë eurove rreth një rikthimi në arenën e boksit.

“Sport Arena Ukraina” ka raportuar se ka pasur bisedime gjatë disa muajve të fundit dhe tani pretendohet se është arritur një marrëveshje me DAZN.

Më tutje raportohet se 43-vjeçari do të jetë brenda ringut të boksit më 25 maj në stadiumin olimpik në Kiev të Ukrainës.

Anthony Joshua dhe Wladimir Klitschko (Foto by Richard Heathcote/Getty Images/Guliver)

Theksojmë se Klitschko u tërhoq nga boksi në vitin 2017 pas humbjes kundër Tyson Furyt dhe Anthony Joshuas.

Boksieri u angazhua më parë në disa bisedime për një kthim sensacional, por më vonë insistoi se tashmë është pensionuar.

Ndryshe, Klitschko për disa vite me radhë ishte boksieri më i mirë në kategorinë e peshave të rënda. /Telegrafi/