Wesley Sneijder nuk njihet më, holandezi ka shtuar shumë peshë pasi e ka lënë futbollin vetëm para dy vitesh

Futbollisti i njohur holandez Wesley Sneijder duket i panjohur edhe pse i dha fund karrierës pak më shumë se dy vite më parë.

Sneijder, i cili shumë besojnë se iu vodh ‘Topi i Artë’ në vitin 2010, pasi me Interin fitoi tre trofe dhe ishte në finalen e Kupës së Botës me Holandën, tani siç duket po e “shijon” pensionin e tij dhe e ka lënë sportin pas dore.

Sot në rrjetet sociale po qarkullon një foto e Sneijder nga fusha e futbollit dhe ajo që ka habitur menjëherë fansat ishte pesha e tij trupore.

https://twitter.com/FootballFunnnys/status/1512359405253238784

Sneijder ka shtuar peshë serioze, saqë është e vështirë ta njohësh pa e shikuar mirë.

Mesfushori i famshëm holandez duket se nuk është shumë aktiv dhe i është përkushtuar gjërave të tjera, larg fushës së futbollit.

Vetëm dy vjet e gjysmë më parë, ai luajti për Al-Gharafa të Katarit ku e mbylli karrierën e tij.

https://twitter.com/sportsbriefcom/status/1512427675436175364

Ai kishte veshur fanellat e disa klubeve të mëdhenj të futbollit botëror si Real Madrid, Inter dhe Ajax.

Ai gjithashtu luajti për Galatasaray në Turqi dhe Nice në Francë. /Telegrafi/