“Wenger refuzoi të më blinte përsëri – kështu që shkova në Chelsea”, Fabregas zbulon historinë e pathënë

Ish-kapiteni i Arsenalit, Cesc Fabregas ka thënë se Arsene Wenger refuzoi ri-nënshkrimin e spanjollit, pasi ky i fundit u transferua te Barcelona.

Pavarësisht se luante rregullisht, Fabregas nuk arriti kurrë të kishte të njëjtin ndikim në Camp Nou dhe klubi katalunas u përpoq ta shiste atë vetëm tre vjet më vonë.

Mesfushori donte të kthehej në Ligën Premier dhe kontaktoi Arsenalin për ta rikthyer atë.

Arsenali kishte refuzuar fillimisht, por Wenger refuzoi kërkesën e mesfushorit dhe ai përfundimisht iu bashkua rivalëve londinez, Chelseat.

Lexo po ashtu Fabregas zgjedh tre bashkëlojtarët më të talentuar teknikisht që kishte në Arsenali, lë jashtë Henryn

“Doja shumë të kthehesha në Ligën Premier. Në kontratën kur nënshkrova për Barcelonën ne thamë që, pasi të largohem, Arsenali do të ketë opsionin e parë”, ka thënë fillimisht 35-vjeçari për Kammy and Ben’s Proper Football Podcast.

“Ata kishin një javë për t’u përgjigjur. Pra, padyshim që ne iu afruam Arsenalit, ne thamë ‘dëgjoni që po largohem nga Barcelona dhe me ligj, ke një javë për të vendosur nëse dëshiron të më marrësh mbrapsht apo jo”.

“Për një javë nuk mund të flisja me askënd (tjetër). Ne vumë re Arsenalin, Arsenin, të gjithë, kështu që pas një jave e telefonuam Arsenin dhe ai tha se e kishte menduar dhe tha se tashmë kishin shumë lojtarë në pozicionin tim si Mesut Ozil … Cazorla, Jack Wilshere, Aaron Ramsey”.

“Ai tha që të më përshtatej, do të duhej të luante me dikë si anësor dhe kjo mund të krijonte, e dini… Unë mendoj se gjithashtu ai ishte pak i lënduar… nga mënyra se si u largova dhe gjithçka”.

“Unë nuk mbaj asgjë të keqe sepse është e drejta e tyre, vendimi i tyre dhe ata mund të bëjnë atë që duan”.

“Kisha disa opsione dhe një prej tyre ishte Chelsea. Fola me Mourinhon, e takova. Ai më tha gjëra që ishin shumë të këndshme për t’u dëgjuar. Ai donte që unë të isha lideri i atij ekipi. Thjesht ndihej mirë”, përfundoi spanjolli. /Telegrafi/